‘اوپن اے آئی’ اب گوگل کو ٹکر دینے کے لیے تیار
رپورٹس کے مطابق اوپن اے آئی کمپنی اب چیٹ جی پی ٹی میں ‘سرچ فیچر’ کا اضافہ کررہی ہے، صارفین کے سوالات کے جواب میں یہ سرچ فیچر آن لائن خبریں، بلاگز، وکی پیڈیا، حالات حاضرہ اور تاریخی حوالوں سمیت وہ تمام معلومات فراہم کرے گا جو گوگل کا سرچ انجن کرتا ہے . صارفین کے جوابات کے ساتھ ساتھ چیٹ جی پی ٹی تصاویر بھی فراہم کرے گا، یہ آپشن اب بھی چیٹ جی پی ٹی کے اپ گریڈڈ ورژنز میں موجود ہے، تاہم یہ ماہانہ چارجز کی ادائیگی کے بعد ہی صارفین کو دستیاب ہوسکتا ہے . اوپن اے آئی نے تاحال اِس نئے فیچر کی لانچنگ کی تاریخ کا حتمی اعلان نہیں کیا ہے، تاہم اس کی لانچنگ رواں برس ہی متوقع ہے . تازہ ترین معلومات کے ساتھ ساتھ اِس ایپلی کیشن کو اپ ڈیٹ کرنے کے لیے اوپن اے آئی نے ‘چیٹ جی پی ٹی پلگ اِنز’ متعارف کروائے تھے، تاہم انہیں اپریل میں بند کر دیا گیا تھا . . .
