اوتھل کے قریب مسافر بس میں آگ لگنے سے 3 افراد جاں بحق، 10 زخمی

حب(قدرت روزنامہ)اوتھل کے قریب وایارو کے مقام پر کراچی سے کوئٹہ جانے والی مسافر کوچ حادثے کا شکار ہوگئی، بتایا جاتا ہے کہ کوچ کے الٹتے ہی اس میں خوفناک آگ بھڑک اٹھی اسپتال اور دیگر ریسکیو ذرائع کے مطابق اور آخری اطلاعات تک حادثے میں تین مسافر جھلس کر جاں بحق ہوئے ہیں جبکہ 10 زخمی ہیں جنہیں اوتھل اسپتال منتقل کیا گیا ہے اسپتال ذرائع کے مطابق جاں حق افراد کی لاشیں بیلہ اسپتال منتقل کی گئی ہیں مزید برآں ریسکیو ٹیمیں وقوعہ پر امدادی سرگرمیوں میں مصروف ہیں بیلہ اور اوتھل کے سرکاری اسپتالوں میں ایمرجنسی نافذ کردی گئی ہے اور شدید زخمیوں کو کراچی اسپتال منتقل کیا جارہا ہے۔ کوچ میں 28 مسافر سوار تھے کئی مسافروں نے کوچ کو کود کر جانیں بچائیں۔ حادثے کی وجہ غیر مصدقہ اطلاعات کے مطابق موٹر سائیکل ٹکرانا بتائی جارہی ہے۔ حادثے اور امدادی سرگرمیوں کے سبب رات تک وایارو کے مقام پر کوئٹہ کراچی قومی شاہراہ کو ٹریفک کی روانی کےلئے بند کردیا گیا ہے اور تمام گاڑیوں کو اوتھل اور بیلہ کے قریب روک دیا گیا ہے۔