نواز شریف کی آمدن 9لاکھ 36ہزار روپے تھی تو اربوں کے فلیٹس کیسے خرید لیے تھے، وزیر مملکت
انہوں نے کہا کہ جائیدادیں کس طریقے سے خریدیں یہ کسی سے ڈھکی چھپی نہیں ہیں ، 3 اپریل 2016 کو پانامہ پیپرز سامنے آتے ہیں،نواز شریف قومی اسمبلی میں اپنے ذرائع سے متعلق بیان دیتے ہیں ، قومی اسمبلی کے فلور پر کھڑے ہو کر جھوٹ بولتے ہیں ، قومی اسمبلی کے بیان سپریم کورٹ سے تبدیل کرتے ہیں اور جعلی قطری خط پیش کرتے ہیں جو ان کا مذاق بنتا ہے . وزیر مملکت فرخ حبیب نے کہا کہ سپریم کورٹ کیس سنتی ہے ، جے آئی ٹی بنتی ہے،تین ماہ میں اپنی رپورٹ جمع کرواتی ہے ، جے آئی ٹی رپورٹ میں پتہ چلتا ہے کہ ملک کے وزیراعظم کسی دوسرے ملک کی کمپنی میں اقامہ ہولڈر ہیں ، پوری ن لیگ اقامہ لیگ بنی ہوئی تھی ، اقامے پر نواز شریف نااہل ہوتے ہیں ، اسکے بعد قومی احتساب عدالت ریفرنس دائر کرتی ہے،ایک سال تین ماہ احتساب عدالت اپنا ٹرائل مکمل کرتی ہے . فرخ حبیب نے کہا کہ جعلی کیلبری فاؤنڈ متعارف کروایا جاتا ہے جو 2016میں تھا ہی نہیں ، مریم کہتی ہیں کہ لندن تو کیا پاکستان میں کوئی جائیداد نہیں ہے، ان کا بھائی کہتا ہے کہ الحمداللہ ایون فیلڈہمارے ہیں اور مریم نواز بینفیشل آونر ہیں ، مریم میں اتنی اخلاقی جرات ہے کہ وہ اس جھوٹ پر قوم سے معافی مانگے . انہوں نے کہا کہ ارشد ملک ویڈیو کو شواہد کے طور پر آج تک عدالت میں پیش نہیں کرسکے ، مریم صفدر کو ایوان فیلڈ پر سزا ہوئی جج ارشد ملک کا کوئی تعلق نہیں ہے ، مریم بتائیے نیلسن اور نیسکول عمران خان یا پاکستان کے کسی سیکورٹی ادارے نے بنائی تھی ، کیلبری فاؤنڈ کی جعلی ٹرسٹ ڈیڈ یا قطری خط کسی عدالت یا ادارے نے بنایا تھا، یہ مذاق آپ کا اپنا بنایا ہوا ہے . وزیر مملکت فرخ حبیب نے کہا کہ اقامے بھی خود ہی بنائے ہوئی تھے، حسن،نواز شریف اور مریم کرپشن کے پیسے ایک دوسرے کو دیتے رہے ہیں ، یہ لوگ ذاتی سلامتی کے لئے پاکستان کی قومی سلامتی کے اداروں کو نقصان پہنچانے کے لئے کسی بھی حد تک جاسکتے ہیں ، پاکستان کے قومی سلامتی کے ادارے،مسلح افواج دن رات ایک کیے ہوئے ہیں، دہشت گردی کا قلع قمع کیا ہوا ہے . . .
