کراچی میں مزید 2 روز تک شدید گرمی کی پیش گوئی
اسلام آباد (قدرت روزنامہ)کراچی میں گزشتہ کئی روز سے گرمی کی شدید لہر برقرار ہے اور اب محکمہ موسمیات نے شہر میں مزید 2 روز تک شدید گرمی کی پیش گوئی کی ہے .
گزشتہ روز شہر قائد میں درجہ حرارت 42 ڈگری سینٹی گریڈ ریکارڈ کیا گیا اور گرمی 50 ڈگری کی محسوس کی گئی .
گرمی کے باعث شہر میں ہلاکتوں کی تعداد میں اضافہ ہوا ہے . میڈیا رپورٹس کے مطابق، کراچی کے جناح اور سول اسپتال میں آج بھی ہیٹ ویو سے متاثرہ 10 افراد کا انتقال ہوا . کراچی میں گرمی کے باعث ہلاکتوں کی تعداد زیادہ ہونے کی وجہ سے ایدھی فاؤنڈیشن کے سردخانوں پر بھی دباؤ بڑھ گیا . ایدھی فاؤنڈیشن کے سربراہ فیصل ایدھی کا کہنا ہے عام دنوں کے مقابلے میں حالیہ دنوں میں میتوں کی تعداد دگنی ہو گئی ہے . انہوں نے بتایا کہ ایدھی فاؤنڈیشن کے سہراب گوٹھ، کورنگی اور میٹھادر میں 3 سرد خانے قائم ہیں جہاں 5 روز کے دوران 423 افراد کی میتیں غسل اور کفن کے لیے لائی گئیں . . .
