ایمنسٹی انٹرنیشنل کی کوئٹہ مظاہرین پر طاقت کے بے جا استعمال کی مذمت

کوئٹہ(قدرت روزنامہ)ایمنسٹی انٹرنیشنل نے کوئٹہ میں ہونے والے احتجاج میں پرامن مظاہرین پر آنسو گیس شیلینگ اور لاٹھی چارج اور مظاہرین کی گرفتاریوں اور بلوچستان پولیس کی جانب سے طاقت کے بے جا استعمال کی مذمت کی ہے . بیان میں کہا گیا ہے کہ27 جون کو لاپتہ کیے گئے ظہیر احمد بلوچ کی بحفاظت واپسی کے لیے کوئٹہ میں احتجاجی مظاہرہ کیا گیا .

پولیس کی جانب سے متعدد مظاہرین کے زخمی ہونے کی خبریں سامنے آرئی ہے اور انہیں فوری طبی امداد کی ضرورت ہے . پرامن مظاہرین کو بے جا حراست میں رکھنا بین الاقوامی انسانی حقوق کے قانون کی خلاف ورزی ہے جو بین الاقوامی معاہدہ برائے شہری اور سیاسی حقوق (ICCPR) کے آرٹیکل 9 اور 21 کے تحت ہے، جس میں پاکستان بھی شامل ہے . ایمنسٹی انٹرنیشنل نے حکومت پاکستان سے مطالبہ کیا ہے کہ زخمی ہونے والے مظاہرین کو فوری طور علاج تک رسائی فراہمی ممکن بنائی جائے، خاص طور پر جو اب بھی پولیس کی حراست میں ہیں . غیر مشروط طور پر حراست میں لیے گئے افراد کی بازیابی عمل میں لائی جائے . مظاہرین کو فوری طور پر رہا کریں یا سویلین عدالت میں جرم کے الزامات کی منصفانہ ٹرائل کریں اور پرامن مظاہرین کیخلاف تمام الزامات کو ختم کریں . . .