چینی اور ایرانی ہیکرز کے اے آئی سے امریکی اہداف پر سائبر حملے
اسلام آباد (قدرت روزنامہ)امریکی سرچ انجن گوگل کا کہنا ہے کہ چینی اور ایرانی ہیکرز تخلیقی مصنوعی ذہانت کو امریکی اہداف کے خلاف سائبر حملوں میں استعمال کر رہے ہیں۔
گوگل کی رپورٹ میں کہا گیا ہے کہ چین، ایران اور شمالی کوریا سمیت متعدد ملکوں کے ہیکرز امریکی اہداف کیخلاف سائبر حملوں کیلئے جیمینائی نام کے چیٹ بوٹ سے مدد لیتے ہیں۔
رپورٹ کے مطابق تخلیقی مصنوعی ذہانت ہیکرز کی زیادہ تیزی اور زیادہ حجم میں کام کرنے کی اہلیت میں اضافہ کرتی ہے۔
گوگل تھریٹ انٹیلی جینس گروپ کا کہنا ہے کہ ٹیکنالوجی میں جدت کے ساتھ خطرات کے امکانات بڑھ رہے ہیں۔
