فضا علی نے اپنا داماد تلاش کرنے کی حکمت عملی بتادی

لاہور (قدرت روزنامہ)پاکستانی میڈیا کی ورسٹائل فنکارہ فضا علی، جو ماڈلنگ، گلوکاری، میزبانی اور اداکاری میں اپنی مہارت کے لیے جانی جاتی ہیں، نے حال ہی میں اپنےداماد کے انتخاب کے بارے میں اپنی سوچ کا اظہار کیا۔
فضا علی، جو مارننگ شو کی میزبانی کر رہی ہیں اور رمضان میں لائیو ٹرانسمیشن بھی کر رہی ہیں، اپنے بیانات کی وجہ سے اکثر عوام کی توجہ کا مرکز بنتی ہیں۔ کچھ دن پہلے انہوں نے حقوق نسواں اور حجابی خواتین کے حق میں آواز بلند کی تھی۔
اب فضا علی نے اپنی بیٹی فارال کے لیے شوہر منتخب کرنے کی اپنی حکمت عملی شیئر کی۔ اپنے شو میں فضا علی نے کہا، ”جب میں اپنی بیٹی کی شادی کروں گی تو میں اس کے لیے لڑکے کا انتخاب کرنے سے پہلے اس کے گھر جا کر اس کے تمام دوستوں سے ملوں گی، اس کے رہن سہن اور برتاؤ کا مشاہدہ کروں گی، اور اس کے ساتھ وقت گزاروں گی تاکہ دیکھ سکوں کہ وہ دوسروں کے ساتھ کیسا رویہ رکھتا ہے۔“
انہوں نے مزید کہاکہ میں عورتوں کے بارے میں اس کے رویے پر بھی غور کروں گی۔
انہوں نے مزید کہا کہ اس کے ساتھ ساتھ میں یہ بھی دیکھوں گی کہ آیا وہ بد زبان ہے یا نہیں اور اگر وہ میری بیٹی کے لیے موزوں ثابت ہوا، تب ہی میں اس کی شادی کے لیے آگے بڑھوں گی۔
فضا علی کے خیالات کو مداحوں نے سراہا ہے، اور کئی افراد کا کہنا ہے کہ ہر والدین اپنے بچوں کے لیے بہترین چاہتے ہیں، مگر آخرکار زندگی کے فیصلے قسمت پر منحصر ہوتے ہیں۔