بیڈمنٹن سٹار ماحور شہزاد بھی بابر اعظم کی فین ہو گئیں پاکستانی کپتان کے بارے میں کیا کہا؟ جانیں
انہوں نے کہا کہ جب کپتان لیڈ فرام دی فرنٹ کرے تو دوسرے کھلاڑیوں میں بھی پرفارم کرنے کا جذبہ بڑھتا ہے . نجی ٹی وی سے گفتگو کرتے ہو ئے نیشنل چیمپئین ماحور شہزاد نے کہا کہ اس وقت ٹیم کا مورال بلند ہے اور ٹیم اچھا کھیل پرفارم کر رہی ہے . ٹیم اسپرٹ نظر آرہی ہے اور اس کی وجہ سے لگاتار چار میچز میں کامیابی ملی ہے . ان کا مزید کہنا تھا کہ پاکستان سیمی فائنل میں پہنچنے والی پہلی ٹیم ہے ، نیک خواہشات ٹیم کے ساتھ ہیں . ہم سیمی فائنل بھی جیتیں گے اور فائنل میں بھی کامیاب ہوں گے . ماحور شہزاد نے مزید کہا کہ پاکستان کے کھلاڑی کا تعلق خواہ کسی بھی کھیل سے ہو جب اس کا روایتی حریف بھارت سے مقابلہ ہوتا ہے تو اس کا جذبہ ہی الگ ہوتا ہے ، ہم نے میچ تو نہیں کھیلا لیکن جب پاکستان کرکٹ ٹیم نے بھارت کو شکست دی وہ خوشی الفاظ میں بیان نہیں کی جا سکتی . واضح رہے کہ ماحور نے کہا کہ بابر اعظم کے علاوہ محمد رضوان ، آصف علی ، شاہین شاہ آفریدی اور حارث روف کی کارکردگی بھی شاندار ہے، میں ان سب کھلاڑیوں کو فالو کر رہی ہوں . . .
