اس وقت جتنے بھی لوگ مال بنا رہے ہیں ان سب کا کھرا اسٹبلشمنٹ تک جاتاہے: اسد طور

لاہور(قدرت روزنامہ)سینئر صحافی اسد طور نے دعویٰ کیاہے کہ اس وقت جتنے بھی لوگ مال بنا رہے ہیں ان سب کا کھرا اسٹبلشمنٹ تک جاتاہے ، کس کو پکڑنا ہے ؟ 2 ہزار ارب کی آڑ میں پیپلز پارٹی کا بازو مروڑ کر 27 ویں ترمیم میں جو آپ ایڈجسٹمنٹ کرنا چاہتے ہیں کرلیں ، 75 سالوں کی کرپشن ایک طرف اور ان 2 سالوں کی کرپشن ایک طرف ہے ۔
تفصیلات کے مطابق اسد طور کا کہناتھا کہ فہرستیں بن رہی ہیں ، اس وقت جو مال بنا رہے ہیں ان ساروں کی سیاست میں آمد اور پیدائش، وفاقی کابینہ میں شمولیت کا کھرا اسٹبلشمنٹ تک جاتاہے ، کس کو پکڑنا ہے آپ نے سرکار، کون سے دو ہزار ارب آڑ میں ، آپ کر لیں، پیپلز پارٹی کا بازو مروڑ کرکچھ منوانا ہے تو منوا لیجے گا تاکہ 27 ویں ترمیم میں جو آپ ایڈجسٹمنٹ چاہتے ہیں وہ ہو جائے ، تو یہ جو فلم چلائی جاتی ہے ، سب کو پتا ہے کہ یہ ملک اور نظام تباہ کر دیا گیاہے ، یہاں پر باقاعدہ لوٹ مار کی گئی ہے ، اس بے رحمی سے اس دور میں لوٹا گیاہے کہ 75 سالوں کی کرپشن ایک طرف اور گزشتہ دو سے تین سالوں کی کرپشن ایک طرف ہے ، اس نظام کے ہر ایک حصے نے بے رحمی سے لوٹا ہے ، جو جو اس نظام کا بینیفشری ہے ، یقین مانیے وہ اس لیول کی لوٹ مار کر رہاہے کہ آپ خدا سے پناہ مانگیں ، وہ اس لیئے کر رہے ہیں کیونکہ ان سب کو پتا ہے کہ ہم نے ملک کو تباہ کر دیاہے ، اس ملک کی کوئی واپسی نہیں ہے ، جتنا لوٹ سکتے ہو لوٹ کر نکلو ۔

اس وقت جو مال بنا رہے ہیں ان سب کا کھرا اسٹیبلشمنٹ کی طرف نکلتا ہے دو ہزار ارب کی آڑ میں پیپلزپارٹی کا بازو مروڑ کر 27 ویں ترمیم منظور کی جائے گی پچھلے 75 سالوں کی کرپشن ایک طرف اور ان دو سالوں کی کرپشن ایک طرف اس لیول کی لوٹ مار کی گئی کہ خدا کی پناہ کیونکہ انہیں پتہ ہے کہ اس… pic.twitter.com/2JsjLK8xqH

— AMJAD KHAN (@iAmjadKhann) August 7, 2025