وفاق پر خیبر پختونخوا کے 3 ہزار ارب روپے واجب الادا ہیں، وزیراعلیٰ سہیل آفریدی

پشاور(قدرت روزنامہ)وزیر اعلیٰ خیبرپختونخوا محمد سہیل آفریدی کا کہنا ہے کہ وفاق کے ذمے خیبرپختونخوا کے 3000 ارب روپے سے زائد واجب الادا ہیں۔
انہوں نے یہ بات پشاور میں اسپیشل ایجوکیشن کمپلیکس پشاور کے دورے کے موقعے پر کی دورہ جہاں انہوں نے خصوصی بچوں اور معذور افراد کے لیے ’احساس امید پروگرام‘ کا باضابطہ آغاز کر دیا۔
وزیراعلیٰ سہیل آفریدی نے کہا کہ یہ وفاقی حکومت نے 5300 ارب روپے کی کرپشن کی اور کوئی پوچھنے والا نہیں۔
انہوں ںے مزید کہا کہ ہم ڈیلیور کر رہے ہیں مگر پھر بھی انگلیاں اٹھائی جاتی ہیں۔
احساس امید پروگرام سے 10 ہزار افراد مستفید ہوں گے
وزیر اعلیٰ کو بریفنگ میں بتایا گیا کہ پروگرام کے تحت شدید معذوری کے شکار 10 ہزار افراد کو ماہانہ 5 ہزار روپے فراہم کیے جائیں گے جبکہ رقم بائیومیٹرک تصدیق کے ذریعے براہِ راست مستحقین تک منتقل کی جائے گی۔
بریفنگ کے مطابق اس پروگرام پر جنوری تا جون 2026 تک 30 کروڑ روپے خرچ ہوں گے جبکہ مستحقین کا انتخاب زکوٰۃ مینجمنٹ انفارمیشن سسٹم کے تحت شفاف انداز میں کیا جائے گا۔
خصوصی بچوں کے لیے 23 نئی گاڑیاں فراہم
دورے کے دوران وزیر اعلیٰ نے اسپیشل ایجوکیشن اسکولوں کے لیے 23 نئی ٹرانسپورٹ گاڑیاں بھی حوالے کیں۔
بریفنگ میں بتایا گیا کہ ان گاڑیوں کی خریداری پر 37 کروڑ 70 لاکھ روپے خرچ کیے گئے۔
انہوں نے بتایا گیا کہ صوبے میں معذور افراد کو 2,000 الیکٹرک وہیل چیئرز، 2,500 مینول وہیل چیئرز اور 800 ٹرائی سائیکلیں فراہم کی گئی ہیں، جن پر مجموعی طور پر 76 کروڑ روپے لاگت آئی۔
وزیر اعلیٰ سہیل آفریدی نے کہا کہ کمزور طبقات کے لیے عمران خان کا جو احساس ہے وہی ہمارا راستہ ہے۔
انہوں نے زکوٰۃ فنڈ میں موجود رقم فوری طور پر مستحقین میں تقسیم کرنے کی ہدایت کی۔
سہیل آفریدی نے ہدایت کی کہ ضم اضلاع کے اسکولوں کے لیے بھی ٹرانسپورٹ سہولیات فراہم کی جائیں جبکہ اسپیشل ایجوکیشن اسکولوں میں تمام ناپید سہولیات فوری فراہم کی جائیں۔