علیم ڈار قومی ٹیم کی سلیکشن کمیٹی سے مستعفی

لاہور(قدرت روزنامہ) پاکستان کرکٹ ٹیم کی سلیکشن کمیٹی کے رکن اور معروف سابق امپائر **Aleem Dar** نے اپنے عہدے سے استعفیٰ دے دیا ہے۔ میڈیا رپورٹس کے مطابق انہوں نے اپنا استعفیٰ **Pakistan Cricket Board** (پی سی بی) حکام کو ارسال کر دیا ہے۔
علیم ڈار کو 11 اکتوبر 2024 کو قومی ٹیم کی سلیکشن کمیٹی کا حصہ بنایا گیا تھا۔ ذرائع کے مطابق ٹی ٹوئنٹی کرکٹ ورلڈ کپ میں پاکستان ٹیم کی سیمی فائنل تک رسائی میں ناکامی کے بعد انہوں نے ذمہ داریوں سے الگ ہونے کا فیصلہ کیا۔
سلیکشن کمیٹی میں اب **Aaqib Javed** اور **Asad Shafiq** شامل ہیں، جبکہ ڈیٹا اینالسٹ عثمان ہاشمی بھی کمیٹی کا حصہ ہیں تاہم انہیں ووٹنگ کا اختیار حاصل نہیں۔ وہ صرف کھلاڑیوں کی کارکردگی کے حوالے سے سلیکٹرز کو رہنمائی فراہم کرتے ہیں۔
پی سی بی کی جانب سے تاحال علیم ڈار کے استعفے پر باضابطہ بیان جاری نہیں کیا گیا۔