انطالیہ میں اہم سفارتی بیٹھک! وزیراعظم شہباز شریف کی ترک صدر طیب اردوان اور قطری امیر شیخ تمیم بن حمد الثانی سے سہ فریقی ملاقات؛ مشرقِ وسطیٰ اور غزہ کی صورتحال پر تفصیلی مشاورت۔ ترکیہ کے ساتھ اسٹریٹجک اور اقتصادی شراکت داری مزید بڑھانے پر اتفاق

انطالیہ (قدرت روزنامہ) اسلامی جمہوریہ پاکستان کے وزیراعظم محمد شہباز شریف نے آج پانچویں انطالیہ ڈپلومیسی فورم کے موقع پر ترکیہ کے صدر رجب طیب اردوان اور ریاست قطر کے امیر شیخ تمیم بن حمد الثانی کے ساتھ ایک اعلیٰ سطحی سہ فریقی ملاقات میں شرکت کی۔
اس اہم ملاقات کے دوران تینوں رہنماؤں نے خطے کی حالیہ پیش رفت اور امن کی جاری کوششوں پر تفصیلی تبادلہ خیال کیا۔ ملاقات میں غزہ اور فلسطین کی تشویشناک صورتحال پر بھی خصوصی بات چیت کی گئی، اور اس بات پر مکمل اتفاق کیا گیا کہ خطے میں دیرپا امن اور استحکام کے حصول کے لیے سفارت کاری اور ڈائیلاگ کو فروغ دینے کی خاطر قریبی تعاون جاری رکھا جائے گا۔

علاوہ ازیں، وزیراعظم شہباز شریف نے اپنے ترک ہم منصب صدر رجب طیب اردوان سے علیحدہ ملاقات بھی کی۔ وزیراعظم نے شاندار میزبانی اور پرتپاک استقبال پر ترک صدر کا شکریہ ادا کیا اور انطالیہ ڈپلومیسی فورم کو ڈائیلاگ کے لیے ایک اہم عالمی پلیٹ فارم کے طور پر کامیابی سے منعقد کرنے پر مبارکباد پیش کی۔

Antalya: 17 April, 2026.

The Prime Minister of the Islamic Republic of Pakistan participated in a trilateral meeting with His Excellency President Recep Tayyip Erdoğan of the Republic of Turkiye and His Highness Sheikh Tamim bin Hamad Al Thani, Amir of the State of Qatar… pic.twitter.com/SH5yawy9jw

— Prime Minister's Office (@PakPMO) April 17, 2026

اس دو طرفہ ملاقات میں مشرقِ وسطیٰ کی بدلتی ہوئی صورتحال سمیت اہم علاقائی امور پر جامع اور بامقصد گفتگو کی گئی۔ وزیراعظم شہباز شریف نے پاکستان کی امن کوششوں کی مستقل حمایت پر ترکیہ کو زبردست خراجِ تحسین پیش کیا۔ دونوں رہنماؤں نے اپنے دیرینہ اور برادرانہ تعلقات کو مزید مضبوط بنانے، اسٹریٹجک شراکت داری کو نئی وسعت دینے، اقتصادی تعاون بڑھانے اور خطے کی مجموعی خوشحالی اور امن کے لیے مل کر کام کرنے کے مشترکہ عزم کا اعادہ کیا۔