حافظ نعیم الرحمن دو روزہ دورے پر کل کوئٹہ پہنچیں گے

کوئٹہ (قدرت روزنامہ) حافظ نعیم الرحمن کل ہفتہ کے روز دو روزہ دورے پر Quetta پہنچیں گے، جہاں وہ مختلف تقریبات میں شرکت اور خطاب کریں گے۔
تفصیلات کے مطابق امیر جماعت اسلامی بلوچستان مولانا ہدایت الرحمن بلوچ ان کے ہمراہ ہوں گے۔ دونوں رہنما Loralai میں الخدمت بنو قابل انٹری ٹیسٹ پروگرام میں شرکت کریں گے، جہاں حافظ نعیم الرحمن خصوصی خطاب بھی کریں گے۔
دورے کے دوسرے روز اتوار کو حافظ نعیم الرحمن Zhob کے نمبر ون اسکول گراؤنڈ میں جماعت اسلامی ژوب شیرانی کے زیر اہتمام ایک بڑے عوامی جلسے سے خطاب کریں گے۔
پارٹی ذرائع کے مطابق جلسے اور پروگرام کی تیاریاں مکمل کر لی گئی ہیں جبکہ کارکنوں اور عوام میں دورے کے حوالے سے جوش و خروش پایا جا رہا ہے۔