ڈاکٹر حامد چوئی نے کورین زبان میں قرآنِ پاک اور صحیح بخاری کا ترجمہ مکمل کر لیا
اسلام آباد (قدرت روزنامہ)تاریخ میں پہلی بار کورین زبان میں بھی قرآنِ مجید اور صحیح بخاری کا ترجمہ مکمل کر لیا گیا ہے، یہ ترجمہ کورین ڈاکٹر حامد چوئی یونگ کِل کی جانب سے کیا گیا ہے۔غیر ملکی میڈیا رپورٹس کے مطابق کورین ڈاکٹر حامد چوئی دنیا کے پہلے کورین مسلمان ہیں جنہوں نے قرآن مجید اور صحیح بخاری کا اپنی زبان میں ترجمہ کر کے یہ کارنامہ انجام دیا ہے۔
ڈاکٹر حامد چوئی کے اس کارنامے کے چرچے اس وقت سوشل میڈیا پر بھی ہو رہے ہیں۔
قرآن مجید اور صحیح بخاری کا ترجمہ کرنے والے پہلے کورین مسلمان
ڈاکٹر حامد چوئی پہلے کورین مسلمان ہیں جنھوں نے قرآن مجید اور صحیح بخاری کا کورین زبان میں ترجمہ کیا۔ ترجمہ کرنے میں انھیں سات سال سے زیادہ کا عرصہ لگا۔ pic.twitter.com/Ftp2Xi7oSL— ترکی اردو (@TurkeyUrdu) December 23, 2021
ترک خبر رساں ادارے کی جانب سے بھی اسی سے متعلق ایک ٹوئٹ کی گئی ہے۔
View this post on Instagram
دوسری جانب غیر ملکی میڈیا رپورٹس کے مطابق ڈاکٹر حامد چوئی کو قرآن مجید اور صحیح بخاری کا کورین زبان میں ترجمہ کرنے میں 7 سال کا عرصہ لگا۔
ڈاکٹر حامد چوئی یونگ کِل کا اپنے اس کارنامے سے متعلق کہنا ہے کہ ’یہ بہت ضروری تھا کہ کوریا میں رہنے والے غیر مسلم افراد اور مسلمان با آسانی اسلامی تعلیمات سیکھ اور سمجھ سکیں۔‘
