عمران خان کو کنٹرول نہیں کیا جاسکتا تو پھر ہمیں فوری الیکشن میں جانا ہو گا

اسلام آباد(قدرت روزنامہ) کیا نواز شریف نے فوری الیکشن کا اشادہ دیدیا؟ لندن میں ن لیگ کے تاحیات قائد نوازشریف نے ن لیگی رہنمائوں کیساتھ اہم میٹنگ میں کہا کہ عمران خان کو کنٹرول نہیں کیا جاسکتا تو پھر ہمیں فوری الیکشن میں جانا ہو گا . نواز شریف نے وزیراعظم کو اتحادیوں کو فوری الیکشن کیلئے آمادہ کرنے کا ٹاسک سونپ دیا .

نواز شریف کا کہنا تھا کہ سخت فیصلے کرنے ہیں تب بھی یقین دہانی کروائی جائی کہ الیکشن 2023میں ہی ہوں گے .

دوسری جانب سینئر صحافی انصار عباسی نے اپنے کالم میں لکھا کہ پیٹرول مہنگا ہوتا ہے تو اُس کے نتیجے میں مہنگائی میں مزید اضافہ ہو گا لیکن اگر پاکستان ڈیفالٹ کر جاتا ہے تو جو نتائج ہوں گے اُس سے نہ صرف مہنگائی بہت زیادہ ہو جائے گی بلکہ پاکستان کی صورتحال سری لنکا سے بھی بدتر ہو جائے گی، ہم تباہ و برباد ہو جائیں گے، ہماری معیشت کو بدترین صورتحال کا سامنا ہو گا، ملک کو خدانخواستہ خانہ جنگی کا ممکنہ سامنا کرنا پڑ سکتا ہے .