بول کر تو سب کماتے ہیں لیکن خاموشی نے ایک ٹک ٹاک اسٹار کو کروڑپتی بنادیا

اسلام آباد (قدرت روزنامہ)دنیا بھرمیں بول کرتو سب ہی کماتے ہیں، لیکن ایک ایسا ٹک ٹاک اسٹار بھی ہے جو خاموش رہ کر کماتا ہے اور اسی خاموشی نے اسے کروڑپتی ٹک ٹاکر بنادیا ہے۔ہم بات کررہے ہیں عالمی شہرت یافتہ خاموش ٹک ٹاکر خبانے لیم کی جوکہ صرف 21 سال کے ہیں۔

ٹک ٹاک سمیت دیگر سوشل میڈیا اکاؤنٹس پر اپنی ویڈیوز سے مقبول ہونیوالے اسٹار ‘خبانے لیم’ کروڑ پتی بن گئے ہیں۔

بین الاقوامی ذرائع ابلاغ کے مطابق خبانے لیم کو عالمی وبا کورونا وائرس کی وجہ سے پیدا ہونیوالے بحران کے سبب نوکری سے برطرف کردیا گیا تھا جس کے بعد انہوں نے گھر میں ویڈیوز بنانا شروع کردیں۔

خبانے اپنی ویڈیوز میں زندگی کو مشکل بنا دینے والی چیزوں کا آسان حل بتاتے ہیں اور دلچسپ بات یہ ہے کہ یہ بغیر لفظ ادا کیے محض چہرے کے تاثرات سے ہی ویڈیو بناتے ہیں، اگر ہم یوں کہیں کہ ان کی وجہ شہرت ان کے چہرے کے تاثرات اور خاموشی ہے تو غلط نہ ہوگا۔

اس نے صرف خاموش رہ کر اپنے سوشل میڈیا اکاؤنٹس پر اتنے ڈھیروں فالوورز بنا لئے ہیں۔

اس کے ٹک ٹاک اکاؤنٹ پر 10 کروڑ جبکہ انسٹاگرام اکاؤنٹ پر فالوورز کی تعداد 3 ملین کے قریب ہے۔

خبانے کون ہے؟

اس ٹک ٹاکر کا نام خبانے لیم ہے جس کی عمر 21 سال ہے اور اس نے نیو یارک ٹائمز کو اپنے انٹرویو میں بتایا کہ ” مجھے نوکری سے نکال دیا گیا تھا، میں افریقی ملک سینیگال میں پیدا ہوا تھا، لیکن پھر اٹلی منتقل ہوگیا اور نوکری کے بعد فارغ رہتا تھا، پھر میں نے دوسری نوکری ڈھونڈھنے کے ساتھ ساتھ ایسی مزاحیہ ویڈیوز بنانی شروع کردیں اور دیکھتے ہی دیکھتے میرے فالوورز اتنے بڑھ گئے کہ مجھے اندازہ ہی نہیں تھا کہ لوگوں میں اتنا مقبول ہو جاؤں گا۔

خاموش ٹک ٹاکر کا خواب

خبانے کا کہنا ہے کہ میرا صرف ایک ہی خواب ہے کہ میں اپنی ماں کے لئے گھر بناؤں اور محنت کرکے اپنا نام بناؤں لیکن مجھے لگتا ہے کہ میری کم محنت بھی خدا کو شاید پسند آگئی ہے ۔

اثاثے کتنے ہوگئے؟

خبانے لیم کے اثاثوں کی مجموعی مالیت 1.3 ملین ڈالر اور 2.7 ملین ڈالر کے درمیان ہے جو پاکستانی 45 کروڑ روپوں تک بنتی ہے۔