سیاسی جماعتوں کو فارغ نہیں کرسکتے

اسلام آباد (قدرت روزنامہ) وفاقی وزیر ریلوے خواجہ سعد رفیق کا کہنا ہے کہ سیاسی جماعتوں کو فارغ نہیں کرسکتے۔سیاسی جماعتیں دب سکتی ہیں، کمزور پڑ سکتی ہیں ختم نہیں ہوسکتیں۔سعد رفیق نے مزید کہا کہ خدارا غداری کے سرٹیفکیٹ بانٹنا بند کریں۔ہمارے لیڈران انسان ہیں اولیا نہیں، ان کی اتنی تعریف نہ کریں،باری سب کی آنی ہے، گرفتاری پر خوش ہوکر بغلیں نہیں بجانی چاہئیں۔
ان کا ایک بندہ جیل میں ہے میں نے ایک لفظ نہیں بولا۔سعد رفیق نے مزید کہا کہ جس نے بھی ایوی ایشن پالیسی بنائی اس نے اس کا پٹھا بٹھایا۔پی آئی اے کا کوئی حصہ فروخت کرنے کی تجویز زیر غور نہیں۔روز ویلیٹ ہوٹل کی عمر 100سال سے زائد ہے،روز ویلیٹ ہوٹل کی یونین نے تگنی کا ناچ نچایا ہوا ہے۔
جب کہ وفاقی وزیر اور مسلم لیگ ن کے رہنما جاوید لطیف کا کہنا ہے کہ آج کوئی بھی جماعت اس ملک کو بھنور سے نہیں نکال سکتی۔

نواز شریف اقتدار کیلئے نہیں آرہے بلکہ ہم دیکھنا چاہتے ہیں کہ ادارے غیرجانبدار ہیں یا نہیں،یہ ملک حقیقی قیادت کے بغیر نہیں چل سکتا۔ میڈیا رپورٹس کے مطابق جاوید لطیف نے پریس کانفرنس کے دوران کہا کہ نواز شریف کے بغیر مسلم لیگ ن کچھ نہیں کرسکتی،ہمیں لیول پلینگ فیلڈ اقتدار کیلئے نہیں چاہیے،میرے خلاف غداری کا مقدمہ بنایا گیا تھا،جبکہ مجھے جیل میں 6 بائی 4 کے کمرے میں رکھا گیا تھا۔
انہوں نے کہا کہ جیل میں قید کے دوران مجھ سے کہا جاتا تھا کہ آپ کے رونے کی آواز عمران خان کو سنانی ہے۔ میرا 14 روزہ جسمانی ریمانڈ ہوسکتا تھا تو شہباز گل کا 12 دن کا ہی ریمانڈ کر دیں۔ انکو ڈر ہے کہ قومی مفادات کو جو سودا ہوا،اس پر طوطا زبان نہ کھول دے،طوطے کی زبان بند رکھنا عمران خان کی مجبوری ہے،اسے بہت کچھ پتہ ہے۔ بات یہاں تک نہیں رہی طوطے نے بہت کچھ بتایا ہے۔