تعویز گنڈوں کی وجہ سے ماں کے مرنے پر بیٹے نے پیر کو موت کے گھاٹ اُتار دیا

کراچی(قدرت روزنامہ) صوبہ سندھ کے دارالحکومت کراچی میں تعویز گنڈوں کی وجہ سے ماں کے مرنے پر بیٹے نے پیر کو موت کے گھاٹ اُتار دیا۔ تفصیلات کے مطابق کراچی کے علاقہ ملیر میں میمن گوٹھ تھانے کی حدود میں ابراہیم مسجد کے قریب گھر میں فائرنگ کے نتیجے ایک شخص اور ایک خاتون جاں بحق جب کہ ایک خاتون زخمی ہوگئی ، واقعے کی اطلاع ملنے پر پولیس اور ریسکیو کی ٹیمیں موقع پر پہنچ گئیں اور مقتولین کی لاشیں اور زخمی خاتون کو جناح ہسپتال منتقل کیا گیا ، مقتول کی شناخت 50 سالہ غلام حیدر ولد رسول بخش اور مقتولہ کی 17 سالہ بشریٰ بتول دخترغلام حیدر جب کہ زخمی خاتون کی شناخت 17 سالہ زینب دختر جاوید کے نام سے ہوئی ، جاں بحق ہونے والے غلام حیدر اور بشریٰ بتول باپ بیٹی تھے جب کہ زخمی ہونے والی خاتون زینب مقتول کی مہمان تھی۔

مقتول کی اہلیہ کی جانب سے پولیس کو اپنے بیان میں بتایا گیا کہ غلام حیدر تعویذ گنڈے کا کام کرتا تھا ، جس کے تعویذ گنڈوں سے کچھ روز قبل ایک خاتون جاں بحق ہوگئی ، فائرنگ کرنے والا شخص اسی خاتون کا بیٹا ریاض ہے جو چند روز قبل ہی جیل سے رہا ہوا ہے ، مرنے والی خاتون کا بیٹے نے غلام حیدر سے بدلہ لینے کی دھمکی دی اور کہا تھا کہ تمھارے علاج سے میری ماں مر گئی میں تمھیں زندہ نہیں چھوڑوں گا ، اسی نے اپنے ساتھی کے ساتھ مل کر اتوار اور پیر کی درمیانی شب ہمارے گھر میں گھس کر فائرنگ کی اور موقع سے فرار ہوگیا۔
دوسری طرف بیمار افراد کو بجلی کا کرنٹ دینے اور تشدد کرنے والے جعلی پیر کو گرفتار کر لیا گیا ، ملزم ذہنی طور پر معذور افراد کو ایک ڈیوائس کے ذریعے کرنٹ دینے اور تشدد کرنے میں ملوث تھا ، پشاور پولیس نے معاملہ سامنے آنے پر نوٹس لیتے ہوئے جعلی پیر کو گرفتار کیا ، گرفتار ملزم نظم پیر محمد اللہ ولد قدرت اللہ نے ابتدائی تفتیش کے دوران بتایا کہ وہ خود کو جعلی پیر باہر کے سادہ لوح شہریوں کو کرنٹ دینے، تشدد کرنے اور ان کو بھاری رقوم سے محروم کرنے کا کا کام کرتا تھا ، ملزم کے خلاف مقدمہ درج کر کے تفتیش کا آغاز کردیا گیا۔