زارا نور عباس نے اپنے بچے کی پیدائش اور موت کو زندگی کا سب سے تکلیف دہ لمحہ قرار دیدیا
اسلام آباد (قدرت روزنامہ)پاکستان شوبز انڈسٹری کی مشہور و معروف اداکارہزارا نور عباس نے اپنے بچے کی پیدائش اور موت کو زندگی کا سب سے تکلیف دہ لمحہ قرار دیدیا ہے۔حال ہی میں اداکارہ نے اپنے دیئے گئے ایک انٹرویو میں پہلی بار اپنے ہاں بچے کی پیدائش اور موت کے حوالے سے کھل کر بات کی۔
View this post on Instagram
انہوں نے کہا کہ وہ کافی وقت تک خود کو اپنے بچے کی موت کا ذمہ دار سمجھتی رہیں اور خود کو ہی مجرم ٹھہراتی رہیں مگر درحقیقت ایسا نہیں تھا، وہ کسی طرح بھی بچے کی موت کی ذمہ دار نہیں تھیں۔
ان کا کہنا تھا کہ جب ان کے ہاں بچے کی پیدائش ہو رہی تھی، تب انہوں نے ڈاکٹرز کو التجا کی تھی کہ انہیں نیند کی گولیاں دے کر سلا دیا جائے، کیوں کہ وہ اپنے بچے کو مرتے اور دفن ہوتے ہوئے نہیں دیکھ سکتیں۔
View this post on Instagram
زارا نے بتایا کہ ان کی درخواست کے باوجود ڈاکٹرز نے انہیں نیند کی گولیاں نہیں دیں اور انہوں نے اپنے بچے کی موت کا سرٹیفکیٹ بھی حاصل کیا اور باقی مراحل بھی دیکھے۔
معروف اداکارہ کے مطابق دیگر خواتین کی طرح وہ بھی کافی عرصے تک یہی سوچتی رہی تھیں کہ اگر وہ اپنی خوراک کا درست خیال رکھتیں تو ان کا بچہ نہ مرتا، انہوں نے کہا میں ابھی تک اس غم سے نہیں نکل سکی۔
View this post on Instagram
ان کا کہنا تھا کہ وہ سوچتی رہتی تھیں کہ کاش وہ وٹامنز اور منرلز کی دوائیاں لیتی رہتیں، وہ فولک ایسڈ لیتی رہتیں، وہ حاملہ ہونے سے قبل اپنا وزن کم کر لیتیں، وہ اپنا بہتر خیال رکھتیں اور وہ درست غذاؤں کا انتخاب کرتیں تو شاید ایسا نہ ہوتا۔
View this post on Instagram
زارا نے بتایا کہ لیکن ان کی تمام باتیں شاید اور کاش تک ہی ہیں لیکن درحقیقت خدا نے جس کو بچانا ہوتا ہے، وہ انہیں بچا لیتے ہیں اور جنہیں واپس لے لینا ہوتا ہے۔
View this post on Instagram
انہوں نے کہا ان کے بچے سے متعلق بھی تمام فیصلے خدا کی مرضی تھے، وہ بے بس تھے، وہ کچھ نہیں کر سکتے تھے، وہی ہوا جو خدا نے چاہا اور جو خدا کی مرضی تھی۔
View this post on Instagram
ان کے مطابق ان کے ہاں بچے کی پیدائش کے بعد انتقال پر انہیں ان کے والدین، رشتے داروں اور شوہر اسد قریشی نے سمجھایا اور انہیں سہارا دیا، جس وجہ سے ہی وہ معمول کی زندگی کی جانب لوٹ سکیں۔
View this post on Instagram
واضح رہے کہ زارا نور عباس نے اسد قریشی سے دسمبر 2017 میں شادی کی تھی۔
View this post on Instagram