پاکستان نے مقبوضہ کشمیر سے متعلق مودی کا بیان مسترد کر دیا

اسلام آباد (قدرت روزنامہ)پاکستان نے ریاست گجرات کے جلسے میں مقبوضہ کشمیر سے متعلق بھارتی وزیرِ اعظم نریندر مودی کا بیان جھوٹا قرار دے کر مسترد کر دیا . ترجمان دفتر خارجہ کا کہنا ہے کہ بھارتی وزیرِ اعظم نے بے بنیاد دعویٰ کیا کہ بھارت نے مسئلہ کشمیر کو کسی طرح حل کر لیا ہے .

ترجمان کا کہنا ہے کہ جموں و کشمیر بین الاقوامی طور پر تسلیم شدہ تنازع ہے، مسئلہ کشمیر کا واحد حل اقوام متحدہ کی قراردادوں کے مطابق کشمیریوں کو حق رائے دہی دینے میں ہے . دفتر خارجہ کے ترجمان نے کہا کہ بیان سے واضع ہے کہ بھارتی قیادت مقبوضہ کشمیر کے زمینی حقائق سے کس قدر بے بہرہ ہے، یہ تنازع 1948 سے اقوام متحدہ کے ایجنڈے پر ہے .
انہوں نے کہا کہ اقوام متحدہ کی قراردادوں کے باوجود بھارت نے کشمیر پر قبضہ کر رکھا ہے .