خودکش حملے کی پرزور مذمت کرتے ہیں . حکومت پاکستان تحقیقات کرکے مجرمان کو سزا دے . چینی سفارتخانے نے مزید کہا کہ جاں بحق بچوں کے ورثا سے اظہارِ افسوس کرتے ہیں . حملے میں ایک چینی شہری زخمی، 2 مقامی بچے جاں بحق، متعدد زخمی ہوئے . واضح رہے کہ گوادر کے علاقے بلوچ وارڈ میں دھماکے کے نتیجے میں 2 بچوں سمیت 3 افراد جاں بحق ہوگئے . میڈیا رپورٹ کے مطابق گوادر کے علاقے بلوچ وارڈ میں دھماکے کے نتیجے میں 2 بچوں سمیت 3 افراد جاں بحق اور 2 زخمی ہوگئے . ذرائع کے مطابق دھماکا ایکسپریس وے کی تعمیر پر مامور عملے کی گاڑی کے قریب ہوا . ریسکیو ذرائع کا کہنا ہے کہ دھماکے میں زخمی ہونے والے افراد کو طبی امداد کے لیے ہسپتال منتقل کر دیا گیا . قانون نافذ کرنے والے اداروں نے علاقے کو گھیرے میں لے لیا ہے جس کے بعد شواہد اکٹھے کیے گئے . بعدازاں وزارت داخلہ کی جانب سے جمعہ کی شام کو گوادر میں ہوئے دھماکے کے حوالے سے تفصیلات جاری کی گئی ہیں . بتایا گیا کہ بلوچستان کے ساحلی شہر گوادر کی ایسٹ بےایکسپریس وے پر چینی قافلے پر خودکش حملہ کیا گیا . قافلہ 4گاڑیوں پرمشتمل تھا جس کے ساتھ آرمی اور پولیس کی گاڑیاں بھی تھیں . حملہ آور کو سادہ کپڑوں میں ملبوس اہلکاروں نے روکا تو حملہ آور نے قافلے سے 15 سے 20 میٹر دور ہی خود کو دھماکے سے اڑا لیا . حملے میں ایک چینی باشندہ زخمی ہوا جب کہ دھماکے کے قریب کھیلنے والے دو بچے جاں بحق اور 2 زخمی ہوئے . حملے کے بعد وزارت داخلہ کا کہنا ہے کہ چینی اور پاکستان حکام دونوں ملکوں کی دوستی کولاحق خطرات کا ادراک ہے پاکستان نےچائنیز کی سیکیورٹی کے حوالے سے خاطر خواہ اقدامات اٹھا رکھے ہیں، اس مشکل دور میں دونوں ممالک ایک دوسرے کے ساتھ کھڑے ہیں . یہاں واضح رہے کہ اس سے قبل دہشت گردوں کی جانب سے داسو میں چینی اور پاکستانی شہریوں کی بس پر حملہ کیا گیا تھا . . .
اسلام آباد (قدرت روزنامہ) گوادار میں خودکش حملے پر چینی سفارتخانے کا ردِعمل بھی آگیا ہے . چینی سفارتخانے کا کہنا ہے کہ گوادر منصوبے پر کام کرنے والے عملے کے قافلے پر حملہ کیا گیا .
متعلقہ خبریں