لاہور(قدرت روزنامہ) وزیراعلیٰ پنجاب پرویز الہی نے کہا ہے کہ ہم نے اعتماد کا ووٹ لے لیا ہے اب انہیں اعتماد کا ووٹ لینا پڑے گا، ن لیگ بہت نیچے چلی گئی ہے نواز شریف اس لیے واپس نہیں آرہا کیونکہ اسے ناکامی نظر آرہی ہے۔وزیراعلی پنجاب پرویز الٰہی نے خاتم النبیین یونیورسٹی کا افتتاح پر میڈیا سے بات چیت میں کہا کہ آج یونیورسٹی کا افتتاح کیا ہے، اللہ کا شکر ہے کہ یہ وعدہ تھا جو کہ عمرے پر اور روزہ رسولؐ پر کیا تھا، یونیورسٹی کا منصوبہ ڈیڑھ ارب روپے کا ہے، میں نے سیرت اکیڈمی 2004ء میں شروع کی تھی۔
انہوں ںے کہا کہ ہم نے سود کے خلاف کام کیا، نکاح نامے پر بھی پہلی بار حلف دیا جائے گا کہ خاتم النبییؐن پر جو ایمان رکھتا ہو وہ دلہا اور دلہن کے لیے لازمی ہوگا، ہم نے پہلی سے پانچویں تک ناظرہ اور بارہویں تک ترجمہ قرآن لازمی قرار دیا۔چوہدری پرویز الہی نے کہا کہ کل عمران خان نے ٹھیک کہا کہ شہباز شریف کا بندوبست کروں گا، ہم نے اعتماد کا ووٹ لے لیا ہے اب انہیں اعتماد کا ووٹ لینا پڑے گا، مسلم لیگ (ن) مکمل طور پر ایکسپوز ہوچکی ہے، اب پی ڈی ایم میں ایسے پھوٹ پڑے گی کہ یہ اٹھنے کے قابل نہیں رہیں گے۔
انہوں ںے نواز شریف کی فوری واپسی نہ ہونے کے بیانات پر کہا کہ نواز شریف اس لیے نہیں آرہا کیونکہ اسے ناکامی نظر آرہی ہے، ن لیگ بہت نیچے چلی گئی ہے، یہ الیکشن میں بھی منہ چھپاتے پھریں گے، اسحاق ڈار کہتا تھا میں ڈالر نیچے لے آؤں گا، یہ بری طرح ناکام ہوا، اب شہباز شریف کسی غیبی مدد کا انتظار کر رہا ہے۔پرویزالہٰی نے کہا کہ عمران خان ملک کیلیے جذبہ رکھتے ہیں، کسی کو تو کھڑا ہونا تھا، عمران خان قوم کی امید ہے کسی کو تو ملک کو ٹھیک کرنا ہے۔
لاہور(قدرت روزنامہ)قومی ٹیم کے کپتان بابر اعظم نے کہا ہے کہ اس سیریز کے دوران…
لاہور(قدرت روزنامہ)اقوام متحدہ کی رپورٹ کے مطابق اس وقت پاکستان میں 35 سال سے زائد…
لاہور (قدرت روزنامہ)پاکستانی باولر شاہین آفریدی آخری میچ میں چار وکٹیں لے کر پلئیر آف…
ممبئی(قدرت روزنامہ) بالی ووڈ اداکارہ دیشا پٹانی کے بوائے فرینڈ نے بازو پر اداکارہ کی…
کراچی (قدرت روزنامہ) شہرقائد میں خاتون سے لوٹ مار کی کوشش کرنیوالے دو ڈاکو عوام…
اسلام آباد(قدرت روزنامہ)انڈین پریمیئر لیگ(آئی پی ایل) میں ٹی ٹوئنٹی کرکٹ کا ایک اور عالمی…