(قدرت روزنامہ)آج کی اس اسٹوری میں ہم آپ کو بتا رہے ہیں کہ کن موبائل فونز میں جی میل، یوٹیوب جیسے اہم ترین فیچرز 13 دن بعد کام کرنا چھوڑدیں گے۔
بین الاقوامی ذرائع ابلاغ کے مطابق اینڈرائیڈ فونز استعمال کرنے والے اکثر افراد ہر 3 سے 4 سال میں اپنی ڈیوائسز کو بدل لیتے ہیں، مگر کچھ ایسے بھی ہوتے ہیں جو ایک ہی ڈیوائس کو برسوں تک استعمال کرتے رہتے ہیں۔
اگر آپ بھی ایسے کسی پرانے اینڈرائیڈ فون کو استعمال کررہے ہیں تو اب نیا فون لینے کا وقت آگیا ہے۔
ایسا نہ کرنے پر گوگل کی جانب سے اس کی متعدد اہم ایپس جیسے جی میل، یوٹیوب، گوگل میپس اور دیگر کو پرانے ایڈرائیڈ فونز میں 27 ستمبر سے بلاک کردیا جائے گا۔
کمپنی نے اگست میں تصدیق کی تھی کہ وہ پرانے اینڈرائیڈ فونز میں گوگل اکاؤنٹ سے سائن ان ہونے کو بلاک کرنے کی منصوبہ بندی کررہی ہے۔
اینڈرائیڈ 2.3 پر کام کرنے والے اسمارٹ فونز 27 ستمبر سے گوگل سروسز سے محروم ہوجائیں گے۔
اینڈرائیڈ 2.3 یا اینڈرائیڈ جنجر بریڈ کو گوگل کی جانب سے دسمبر 2010 کو متعارف کرایا گیا تھا اور اب 11 سال بعد کمپنی نے اسے متروک کردیا ہے۔
واضح رہے کہ واٹس ایپ کی جانب سے پہلے ہی اینڈرائیڈ کے اس ورژن کی سپورٹ ختم کی جاچکی ہے۔
گوگل کے مطابق اینڈرائیڈ 2.3 کی سپورٹ ختم کرنے کا مقصد صارفین کے تحفظ کو یقینی بنانا ہے۔
اس سے قبل فروری 2017 میں گوگل کی جانب سے اینڈرائیڈ 2.3 پر چلنے والے فونز کے لیے گوگل پے کانٹیکٹس لیس پیمنٹس کو معطل کردیا گیا تھا۔
مگر اب 27 ستمبر سے تمام صارفین ان ڈیوائسز پر اپنے گوگل اکاؤنٹ پر بھی سائن ان نہیں ہوسکیں گے اور کوشش کرنے پر ان کے سامنے یوزر نیم اور پاس ورڈ ایرر آئے گا۔
ایسا ہی ایرر گوگل کیلنڈر یا جی میل اکاؤنٹ اوپن کرنے پر بھی آئے گا۔
اسی طرح گوگل کی دیگر مقبول ایپس یوٹیوب، گوگل پلے اسٹور، گوگل میپس، جی میل اور دیگر بھی کام نہیں کرسکیں گی۔
ان ایپس کو استعمال کرنے کے لیے اینڈرائیڈ 3.0 اپ گریڈ کرنے کی ضرورت ہوگی ، چونکہ پرانے اینڈرائیڈ فونز میں آپریٹنگ سسٹم اپ گریڈ نہیں ہوتے تو یا فون ہی لینا ہوگا۔
ویسے گوگل کی جانب سے کچھ رعایت ضرور فراہم کی جائے گی اور ممکنہ طور پر کچھ سروسز تک براؤزر کے ذریعے رسائی فراہم کی جائے گی، مگر ایپس کو ہمیشہ کے لیے بلاک کردیا جائے گا۔
گوگل کے فیصلے سے کتنے فونز متاثر ہوں گے، اس بارے میں تو کچھ کہنا مشکل ہے مگر ایک تخمینے کے مطابق اس وقت دنیا بھر میں 3 ارب سے زیادہ اینڈرائیڈ ڈیوائسز کام کررہی ہیں تو کافی افراد پر اس تبدیلی کے اثرات مرتب ہوسکتے ہیں۔
کوئٹہ(قدرت روزنامہ)کوئٹہ کے نواحی علاقے کلی زرین نیو سریاب میں پولیس کی موبائل وین پر…
لاہور (قدرت روزنامہ) حکومت کی جانب سے گندم کی عدم خریداری پر جہاں ایک طرف…
ممبئی (قدرت روزنامہ)بھارتی اداکارہ کرینہ کپور خان کو اقوام متحدہ کے ادارہ برائے اطفال یونیسیف…
اسلام آباد (قدرت روزنامہ) گندم درآمد سکینڈل کی تحقیقات کرنے والی کمیٹی نے سابق نگران…
اسلام آباد (قدرت روزنامہ)وزیر اعظم شہباز شریف کی زیر صدارت ان کی رہائش پر گندم…
مری(قدرت روزنامہ) مری میں باپ نے غیرت کے نام پر اپنی بیٹی اور پڑوسی کے…