لاہور: ریلوے ملازمین کا تنخواہوں کی عدم ادائیگی پر احتجاج

اسلام آباد (قدرت روزنامہ)لاہور میں ریلوے ملازمین نے تنخواہوں کی عدم ادائیگی پر احتجاج کرتے ہوئے کراچی سے لاہور آنے والی بزنس ایکسپریس کو روک لیا .
ملازمین کے مختلف گروپ ہیں، کچھ کو ایک ماہ سے نہی ملی، کچھ کو تاخیر سے ملتی ہے، چند ملازمین کا دعویٰ ہے کہ انہیں اگست اور ستمبر کی تنخواہ نہیں ملی ہے .

ریلوے ملازمین نے پہلے واشنگ لائین بند کی، پھر احتجاج کرتے ہوئے ریلوے ٹریک پر آ گئے .
مزدوروں نے کراچی سے لاہور آنے والی بزنس ایکسپریس کو بھی روک لیا، جس کے بعد مسافر ٹرین سے اتر کر پیدل ہی گھروں کو روانہ ہو گئے .
ریلوے ملازمین کی جانب سے انتظامیہ کے خلاف شدید نعرے بازی کی، جبکہ احتجاج کرنے والے ملازمین کا کہنا تھا کہ ہمارے گھروں میں بھوک ہے اور انتظامیہ مزے سے بیٹھی ہے .
ملازمین نے کہا کہ اب تنخواہ دیں گے تو کام کریں گے، ہمیں بجلی اور گیس کے بل ادا نہ کرنے پر میٹر کاٹنے کا بھی کہا جارہا ہے .