اسلام آباد (قدرت روزنامہ)اے ایس ایف نے لاہور ائرپورٹ پر کارروائی کرتے ہوئے لاہور سے دوحہ جانے والی خاتون مسافر سے منشیات برآمد کر لیں ہیں .
اے ایس ایف حکام کے مطابق گرفتار ہونے والی خاتون اوکاڑہ کی رہائشی تھی اور غیر ملکی پرواز کے ذریعے دوحہ جا رہی تھی .
ائرپورٹ سیکیورٹی فورس نے دوران چیکنگ خاتون کے سامان سے ہیروئن اور آئس سے بھرے 59 عدد کیپسولز برآمد کیے ہیں .
اے ایس ایف حکام نے مسافر کو آف لوڈ کرکے اے این ایف کے حوالے کردیا، ملزمہ کو مزید تفتیش کیلئے پولیس کے حوالے کر دیا گیا ہے .