حج 1445: حجاج کرام کا عرفات کا سفر اور مناسک حج کی ادائیگی

اسلام آباد (قدرت روزنامہ)آج صبح کے وقت حجاج کرام نے عرفات کے مقدس میدان کا سفر شروع کیا . ایمان سے بھرپور اور خشوع وخضوع سے مغلوب یہ عازمین اللہ تعالیٰ سے عفو، مغفرت، رحمت اور جہنم سے نجات کی دعائیں کرتے ہوئے عرفات پہنچے .

براہِ راست نگرانی حجاج کرام کے قافلے عرفات پہنچنے کے دوران مختلف سیکیورٹی اداروں کے اہلکاروں نے براہِ راست نگرانی کی . ان اہلکاروں نے حجاج کرام کی گاڑیوں اور پیدل چلنے والوں کی رہنمائی اور حفاظت کے لیے مختلف راستوں پر انتظامات کیے تھے، تاکہ حج کے دوران ان کی سہولت اور سلامتی کو یقینی بنایا جا سکے . خدمت حجاج کی مکمل تیاری حکومت کے مختلف محکموں نے حجاج کی خدمت کے لیے مکمل تیاری کی ہوئی تھی . عرفات کے میدان میں طبی، امدادی اور ضروریات زندگی کی خدمات فراہم کی گئیں تاکہ دنیا بھر سے آنے والے حجاج کرام کو کسی قسم کی مشکلات کا سامنا نہ کرنا پڑے اور وہ آسانی سے حج کے ارکان ادا کر سکیں . ایک اذان اور 2 اقامتوں کیساتھ جمع و قصر نمازیں آج حجاج کرام مسجد نمرہ میں ظہر اور عصر کی نمازیں جمع اور قصر کر کے ایک اذان اور 2 اقامتوں کے ساتھ ادا کریں گے، غروب آفتاب کے ساتھ ہی حجاج کرام مزدلفہ کی طرف روانہ ہوں گے جہاں وہ مغرب اور عشا کی نمازیں اکٹھی ادا کریں گے اور وہیں رات گزاریں گے . یہ سنت نبوی صلی اللہ علیہ وسلم کے مطابق عبادت ہے، جہاں آپ نے رات بسر کی اور فجر کی نماز ادا کی . . .