ریشم زندگی میں کونسا اہم کام کرنا چاہتی ہیں؟ اداکارہ نے اپنا خواب بتا دیا
ریشم کی ویڈیو سوشل میڈیا پر وائرل ہو رہی ہے جس پر صارفین انکی خوب تعریف کر رہے ہیں
لاہور (قدرت روزنامہ)پاکستان شوبز کی سینئر اداکارہ ریشم نے اپنی ایک دیرینہ خواہش کا اظہار کردیا۔
حال ہی میں ریشم ایک نجی ٹی وی کے پروگرام میں شریک ہوئیں جہاں انہوں نے شوبز اور نجی زندگی سے جڑے کئی موضوعات پر گفتگو کی۔
اداکارہ نے گفتگو کے دوران اپنی ایک خواہش کا ذکر کرتے ہوئے اسے اپنا خواب قرار دیا۔ ریشم کا کہنا تھا کہ وہ یہ چاہتی ہیں کہ وہ پیسے جمع کر کے ایک لنگر خانہ بنوائیں۔
ریشم نے اپنے چاہنے والوں سے دعا کرنے کی درخواست کرتے ہوئے کہا کہ یہ ان کا خواب ہے کہ وہ ایک مخصوص جگہ خرید کر ایک باقاعدہ لنگر خانہ بنوائیں جو ان کے دنیا سے رخصت ہونے کے بعد بھی چلتا رہے اور ان کیلئے صدقہ جاریہ بنے۔
View this post on Instagram
اداکارہ یہ ویڈیو کلپ سوشل میڈیا پر وائرل ہو رہی ہے جس پر صارفین اداکارہ کی غریبوں کی مدد کرنے کی اس خواہش پر ان کی تعریف کرتے ہوئے ان کیلئے نیک تمناؤں کا اظہار کر رہے ہیں۔
یاد رہے کہ ریشم آئے دن اپنے گھر میں خود لنگر کا کھانا بنا کر اسے مستحق افراد میں تقسیم کرتی رہتی ہیں جس کی کئی ویڈیوز سوشل میڈیا پر وائرل ہو چکی ہیں۔ اداکارہ کا کہنا ہے انہیں لنگر کر کے اور لوگوں کی مدد کر کے سکون اور دل کو راحت ملتی ہے۔