ٹک ٹاکر کو دکھاوا مہنگا پڑ گیا، لمبے عرصے کیلئے جیل کی ہوا کھلا دی گئی
ابوجہ (قدرت روزنامہ) نائیجیریا کے شہر کانو کی ٹک ٹاک اسٹار مرجہ کنیا، جن کے ایک ملین سے زائد فالوورز ہیں، کو ایک مقامی پارٹی میں نائیرا کرنسی کو ہوا میں پھینکنے پر چھ ماہ قید کی سزا دی گئی ہے۔
یہ عمل نائیجیریا میں غیر قانونی سمجھا جاتا ہے اور اسے قومی کرنسی کی بے عزتی کے طور پر دیکھا جاتا ہے۔مرجہ کنیا نے اپنے جرم کو تسلیم کیا اور وفاقی ہائی کورٹ نے انہیں اس جرم میں قصوروار قرار دیا۔
جج نے کنیا کو تقریباً 33 امریکی ڈالر جرمانہ ادا کرنے کی آپشن دی اور ساتھ ہی انہیں سوشل میڈیا پر نائیرا کی بے حرمتی کے خلاف مہم چلانے کا حکم بھی دیا۔