13 سال کی عمر میں شہید ہونے والے نوابزادہ حقمل رئیسانی کی سالگرہ، مشن آج بھی جاری ہے، نوابزادہ جمال رئیسانی

کوئٹہ (قدرت روزنامہ) پاکستان پیپلز پارٹی کے رکن صوبائی اسمبلی *نوابزادہ جمال رئیسانی* نے سماجی رابطے کی ویب سائٹ *ایکس (X)* پر اپنے بیان میں کہا ہے کہ آج ان کے *شہید بھائی نوابزادہ میر حقمل خان رئیسانی* کی سالگرہ ہے۔ شہید حقمل خان صرف *13 برس کے تھے جب یومِ آزادی کے موقع پر مستونگ میں فٹبال میچ کے دوران دہشتگردوں نے انہیں شہید کر دیا۔*
نوابزادہ جمال رئیسانی نے کہا کہ اُس وقت *بلوچستان میں پاکستانی پرچم لہرانا یا آزادی کا پروگرام منعقد کرنا ایک جرات مندانہ قدم* تھا، اور حقمل خان نے کم عمری میں یہ جرات دکھا کر *محبتِ وطن کی مثال قائم کی۔*
انہوں نے کہا کہ اگرچہ شہید حقمل خان ہم سے بہت جلد بچھڑ گئے، مگر ہم نے *ان کے اور اپنے والد شہید نوابزادہ سراج خان رئیسانی کے مشن کو کبھی ترک نہیں کیا۔* ہماری *بلوچستان سے محبت اور پاکستان سے وفاداری آج بھی اسی جذبے سے قائم ہے۔*
نوابزادہ جمال رئیسانی نے عوام سے اپیل کی کہ وہ *شہید نوابزادہ حقمل خان رئیسانی کے لیے دعا کریں* کہ اللہ تعالیٰ انہیں *جنت الفردوس میں اعلیٰ مقام* عطا فرمائے اور ہمیں *ان کے مشن پر ثابت قدم رہنے کی توفیق* دے۔