بلاول بھٹو زرداری سے وزیراعلیٰ بلوچستان کی ملاقات، ترقیاتی منصوبوں اور سیاسی صورتحال پر تبادلہ خیال

اسلام آباد (قدرت روزنامہ) پاکستان پیپلزپارٹی کے چیئرمین Bilawal Bhutto Zardari سے وزیراعلیٰ بلوچستان Mir Sarfraz Bugti نے اسلام آباد میں ملاقات کی، جس میں بلوچستان کی مجموعی سیاسی صورتحال، ترقیاتی حکمتِ عملی اور جاری منصوبوں پر تفصیلی تبادلہ خیال کیا گیا۔
ملاقات کے دوران وزیراعلیٰ بلوچستان نے چیئرمین پیپلزپارٹی کو صوبے میں جاری ترقیاتی اسکیموں، عوامی فلاحی منصوبوں اور امن و امان کی صورتحال پر جامع بریفنگ دی۔ انہوں نے بنیادی ڈھانچے کی بہتری، تعلیم، صحت، مواصلات اور ساحلی پٹی کی ترقی سے متعلق اقدامات سے بھی آگاہ کیا۔
میر سرفراز بگٹی نے بتایا کہ حکومت بلوچستان پسماندہ اور دور دراز علاقوں میں ترقی کے ثمرات پہنچانے کے لیے ترجیحی بنیادوں پر اقدامات کر رہی ہے، جبکہ شفافیت اور مؤثر نگرانی کو یقینی بنایا جا رہا ہے تاکہ وسائل کا درست استعمال ممکن ہو سکے۔
چیئرمین پیپلزپارٹی بلاول بھٹو زرداری نے بلوچستان میں جاری ترقیاتی سرگرمیوں کو سراہتے ہوئے کہا کہ صوبے کی پائیدار ترقی اور عوامی خوشحالی پارٹی کی اولین ترجیح ہے۔ انہوں نے اس عزم کا اعادہ کیا کہ وفاقی سطح پر بھی بلوچستان کے مسائل کے حل اور ترقیاتی منصوبوں کی تکمیل کے لیے بھرپور تعاون جاری رکھا جائے گا۔
ملاقات میں اس بات پر اتفاق کیا گیا کہ بلوچستان کی سماجی و معاشی ترقی، نوجوانوں کے لیے روزگار کے مواقع کی فراہمی اور عوامی مسائل کے حل کے لیے مشترکہ کوششوں کو مزید تیز کیا جائے گا۔