وزیراعلیٰ بلوچستان کا سرکاری ملازمین کے لیے عید گفٹ: تمام ملازمین کو عیدالفطر سے قبل تنخواہوں کی ادائیگی مکمل، میر سرفراز بگٹی کی جانب سے پیشگی مبارکباد

(ڈیلی قدرت کوئٹہ) وزیراعلیٰ بلوچستان میر سرفراز بگٹی نے تمام سرکاری ملازمین کو عید کی پیشگی مبارکباد دیتے ہوئے اعلان کیا ہے کہ بلوچستان حکومت کی جانب سے سرکاری ملازمین کو عیدالفطر سے قبل تنخواہوں کی ادائیگی کر دی گئی ہے؛ وزیراعلیٰ نے بتایا کہ تمام سرکاری محکموں کو دی گئی خصوصی ہدایات کے مطابق عید کی تعطیلات شروع ہونے سے پہلے ہی ملازمین کے اکاؤنٹس میں تنخواہیں منتقل کر دی گئی ہیں تاکہ وہ اپنے اہل خانہ کے ساتھ تہوار کی تیاری بہتر طریقے سے کر سکیں؛ میر سرفراز بگٹی کا کہنا تھا کہ حکومت چاہتی ہے کہ تمام سرکاری ملازمین اور ان کے خاندان عید کی خوشیوں میں بھرپور طریقے سے شریک ہوں اور انہیں کسی قسم کی مالی دشواری کا سامنا نہ کرنا پڑے، اسی مقصد کے لیے محکمہ خزانہ کو وقت سے پہلے فنڈز کے اجراء کا پابند بنایا گیا تھا۔