کل 11 مینجمنٹ کمپنیوں میں سے 4بہترین کام کر رہی ہیں، 4خسارے میں جا رہی ہیں، حسان خاور
انہوں نے کہا کہ 3کمپنیاں ڈویلپمنٹ کی ہیں، انرجی ڈیپارٹمنٹ کی پانچ ہیں، انڈسری کامرس اینڈ ڈویلپمنٹ کی چار ہیں، لائیوسٹاک کی دو ہیں اور بہت سی کمپنیاں جن میں پرائمری اینڈ سیکنڈری ایجوکیشن ڈیپارٹمنٹ ہیلتھ کیئر ڈیپارٹمنٹ، ٹرانسپورٹ ، لیبر، پاپولیشن ویلفیئر کی ایک ایک کمپنی ہے . انہوں نے کہا کہ جو اچھی کارکردگی کی حامل کمپنی ہے ان میں قائد اعظم سولرپاور انرجی ڈیپارٹمنٹ اس کے اندر پنجاب کیٹل مارکیٹنگ کمپنی ہے، اس میں پنجاب سکل ڈویلپمنٹ فنڈ ہے، پنجاب ماڈرن بازار مینجمنٹ کمپنی شامل ہے جبکہ جن کی پرفارمنس ناقص بتائی گئی ہے ان کمپنیوں میں پنجاب لائیو سٹاک ڈیری ڈویلپمنٹ بورڈ ،فیصل آباد پارکنگ کمپنی لاہور پارکنگ کمپنی اور لاہور ٹرانسپورٹ کمپنی ہے، ان کمپنیوں کے افسران کی سرزنش کی ہے اور ان کو بہترین کارکردگی کا موقع بھی فراہم کیا ہے، ہماری پرفارمنس کا طریقہ کار فرضی نہیں ہے کہ جسے چاہے اچھا قرار دیا جائے اور جسے چاہے برا، اسے جانچنے کا طریقہ کار ہے جو وزیراعلیٰ پنجاب سردار عثمان بزدار نے اپنے ہاں ایک سپیشل مانیٹرنگ سسٹم بنایا ہوا ہے وہ یونٹ ان اداروں کی چیکنگ اور مانیٹرنگ کر رہی ہے تا کہ گڈگورننس کی بہتری کو یقینی بنایا جا سکے، یہ یونٹ ہیلتھ ، پولیس، ایجوکیشن سمیت دیگر اداروں کی مانیٹرنگ کرتی ہے . (اح+اس) . .
