لانگ مارچ سے قبل تحریک انصاف کے رہنماؤں کی مبینہ پکڑ دھکڑ شروع

اسلام آباد (قدرت روزنامہ) 27 ستمبر کے مجوزہ احتجاجی لانگ مارچ سے قبل وفاقی دارالحکومت اور پنجاب کے مختلف شہروں میں پاکستان تحریکِ انصاف کی مرکزی قیادت، اراکینِ قومی اسمبلی اور سینیٹرز کے خلاف کریک ڈاؤن شدید تر ہو گیا ہے، جہاں یکے بعد دیگرے کئی رہنماؤں کو پارلیمنٹ لاجز اور قومی اسمبلی کے باہر سے حراست میں لے کر نامعلوم مقام پر منتقل کر دیا گیا۔

پارٹی ترجمان شیخ وقاص اکرم اور اطلاعات کے مطابق اسلام آباد میں کارروائی کرتے ہوئے میانوالی سے منتخب رکنِ قومی اسمبلی احسن جمال خان کو قومی اسمبلی کی عمارت کے بالکل سامنے سے گرفتار کرلیا گیا، اس کے علاوہ رکنِ قومی اسمبلی میاں غوث، رکنِ قومی اسمبلی ثناء اللہ خان مستی خیل کو بھی حراست میں لیے جانے کا اطلاع ہے۔

پی ٹی آئی کے 3 ارکان پارلیمنٹ اسلام آباد سے گرفتار،رکن قومی اسمبلی داور کنڈی، ثناء اللہ مستی خیل، سینیٹر سیف اللہ نیازی گرفتار،تینوں کو پارلیمنٹ لاجز سے حراست میں لے کر نامعلوم مقام منتقل کر دیا گیا @PTIofficial

— Adil Tanoli (@adiltanoli99) September 20, 2026

مزید معلوم ہوا ہے کہ رکنِ قومی اسمبلی داور خان کنڈی کو بھی حراست میں لے لیا گیا، کریک ڈاؤن کے اسی سلسلے میں سینیٹر سیف اللہ نیازی کو پارلیمنٹ لاجز کے اندر سے پولیس اور سیکیورٹی اداروں نے حراست میں لے کر کسی نامعلوم مقام پر منتقل کردیا، علاوہ ازیں بتایا جارہا ہے کہ بہاولپور سے تحریک انصاف کے رہنما سمیع اللہ چوہدری کے بیٹے حمود بن سمیع کو گرفتار کرلیا گیا۔

بہاولپور سے تحریک انصاف کے رہنما سمیع اللہ چوہدری کے بیٹے حمود بن سمیع کو گرفتار کرلیا گیا۔ pic.twitter.com/1sPY6RxKjl

— Muhammad Umair (@MohUmair87) September 20, 2026