عمران خان نے غیرلچکدار رویہ اپنا کر اپنی پارٹی سمیت سب کی پاور پولیٹکس ختم کردی، حامد میر

اسلام آباد(قدرت روزنامہ)معروف صحافی اور سینئر تجزیہ کار حامد میر نے ملک کی موجودہ سیاسی صورتِ حال اور پاکستان تحریکِ انصاف کے لانگ مارچ کے حوالے سے تجزیہ پیش کرتے ہوئے کہا ہے کہ طاقتور حلقوں اور حکومت کا بانی پی ٹی آئی عمران خان کو سیاست سے مائنس کرنے کا فارمولا مکمل طور پر ناکام ہو چکا ہے۔ اپنے ایک ویلاگ میں گفتگو کرتے ہوئے انہوں نے کہا کہ اربابِ اختیار کا خیال تھا عمران خان کو جیل میں ڈال کر ان کا سیاسی باب بند کر دیا جائے گا لیکن عملی طور پر ایسا بالکل نظر نہیں آ رہا، اس وقت پورے پاکستان کی سیاست عمران خان کے گرد گھوم رہی ہے، جہاں ایک طرف پوری حکومت اور اتحادی انہیں ہر قیمت پر جیل کے اندر رکھنے کے لیے زور لگا رہے ہیں، وہاں دوسری طرف پوری اپوزیشن ان کی رہائی کے لیے متحد ہو کر جدوجہد کر رہی ہے، عمران خان صرف ملک کے اندر ہی نہیں بلکہ عالمی سطح پر بھی ایک انتہائی مقبول رہنما کے طور پر ابھر کر سامنے آئے ہیں۔

حامد میر 🔥🔥

فارم 47 پر لائی جانے والی حکومت کی ناکامی ہے کہ مائنس ون فارمولا ناکام ہو چکا ہے ۔ عمران خان آج بھی پاکستان کی تاریخ کا سب سے بڑا لیڈر ہے اور بیرون ملک بھئ بے حد مقبول ہے جسکو ساری دنیا جانتی یے۔ پاکستان میں پاور پولیٹیکس اپنی آخری سانسوں پر ہے عمران خان نے غیر… pic.twitter.com/nmmP2xCP0e

— SIR Ahmed Khokhar (@khokhr_pedia) September 24, 2026

سینئر صحافی نے پاور پولیٹکس پر بات کرتے ہوئے کہا کہ پاکستان میں روایتی پاور پولیٹکس اب اپنی آخری سانسیں لے رہی ہے، عمران خان کے غیر لچکدار اور ڈٹے رہنے کے رویے نے پارٹی سمیت دیگر تمام قوتوں کی روایتی سیاست کو ختم کر دیا ہے، پہلے ایک مفروضہ تھا کہ جس کے پیچھے امریکی اشارہ ہو وہ حکومت قائم رہتی ہے لیکن اگر موجودہ حکومت واقعی عوام میں مقبول ہوتی تو اسے کنٹینرز کے پیچھے چھپنے کی ضرورت نہ پڑتی، گلگت بلتستان سے لے کر بلوچستان تک ملک بھر کا نوجوان طبقہ ایک پیج پر آ چکا ہے اور ان کا ایک ہی فکری بیانیہ ہے، جس سے حکمران اشرافیہ شدید خوفزدہ ہے۔

PTI کے اندر کچھ لوگوں کی راۓ تھی کہ عمران خان تو پہلے بھی زیادہ صوبوں کے حق میں ہیں تو کیوں نا زیادہ صوبوں کی حمایت کر کے عمران خان کے لیے ریلیف لیا جاۓ لیکن پھر اکثریت نے فیصلہ کیا کہ حمایت کا یہ مناسب وقت نہیں ہے
اس کے بعد حکومت نے بہت کوشش کی کہ عمران خان کو ریلیف دے کر PTI کو… pic.twitter.com/aLczfu9wGk

— Waqar khan (@Waqarkhan) September 23, 2026

پی ٹی آئی کے اندرونی فیصلے اور 27 ستمبر کے لانگ مارچ کے حوالے سے حامد میر نے سنسنی خیز انکشاف کرتے ہوئے بتایا کہ پارٹی کے اندر کچھ اراکین کی رائے تھی کہ نئے صوبوں کی حمایت کرکے عمران خان کیلئے کچھ ریلیف حاصل کیا جائے، تاہم اکثریت نے اسے نامناسب وقت قرار دے کر رد کردیا، اس کے بعد حکومت کی جانب سے عمران خان کو ریلیف کی پیشکش کرکے لانگ مارچ روکنے کی شدید کوششیں کی گئیں لیکن پی ٹی آئی نے اس پیشکش کو ٹھکرا دیا کیونکہ عمران خان نے ہر صورت لانگ مارچ کو حتمی شکل دینے اور اسلام آباد کی طرف پیش قدمی کا واضح حکم جاری کر رکھا ہے۔