فیصلہ سازوں کا کہنا ہے کہ پی ٹی آئی لانگ مارچ کرے یا ملتوی کرے اب یہ مسئلہ نہیں ہے، شہزاد اقبال

اسلام آباد (قدرت روزنامہ) صحافی شہزاد اقبال کا کہنا ہے کہ فیصلہ سازوں کا کہنا ہے کہ پی ٹی آئی لانگ مارچ کرے یا ملتوی کرے اب یہ مسئلہ نہیں ہے، مسئلہ اب قومی سلامتی کاہے۔جیو نیو زکے نیا پاکستان میں گفتگو کرتے ہوئے اینکر پرسن شہزاد اقبال نے کہا کہ اب سوال یہ ہے کہ لانگ مارچ مئوخر کرنے کی اصل وجہ کیا ہے؟کیا پی ٹی آئی نے پس پردہ کسی حکومتی یقین دہانی کی وجہ سے ایسا کیا ہے؟لانگ مارچ کی تیاری کے فقدان کی وجہ سے لانگ مارچ مئوخر کیا جارہا ہے؟ پی ٹی آئی ایک رہنماء نے لانگ مارچ مئوخر ہونے کی تصدیق کی لیکن لانگ مارچ کی تیاری کے فقدان کی تائید نہیں کی۔
۔بلکہ کہا کہ تیاری کا کوئی مسئلہ نہیں چاہتے ہیں ٹیسٹ میچ کھیلیں۔
5اکتوبر عمران خان کی سالگرہ دن ہے، اس لئے اس دن کی علامتی اہمیت زیادہ ہے، جہاں پی ٹی آئی ٹیسٹ میچ کھیلنے کا ارادہ ظاہر کررہی ہے، وہاں پر ہمارے ذرائع بتاتے ہیں کہ حکومت کچھ اور ہی سوچ رہی ہے،اس حوالے سے مختلف ذرائع سے ہماری بات ہوئی ہے۔

شہزاد اقبال بتا رہے ہیں کہ ہماری باخبر ذرائع سے بات ہوئی ہے ان کے مطابق اب صرف پی ٹی ائی کا لانگ مارچ مسئلہ نہیں ہے لانگ مارچ کرنی ہے تو کریں ملتوی کرنی ہے تو ملتوی کریں اب مسئلہ قومی سلامتی کا ہے سہیل افریدی اور اس کے ساتھی دہشت گردوں سے مل کر پاکستان کو کمزور کر رہے ہیں جس کی… pic.twitter.com/elFDwhqMSf

— محفوظ الرحمن اعوان (@mahfooz51871) September 25, 2026

فیصلہ سازوں کا کہنا ہے کہ اب پی ٹی آئی کا لانگ مارچ مسئلہ نہیں ہے، پی ٹی آئی کو لانگ مارچ کرنا ہے تو کرے، لانگ مارچ ملتوی کرنا تو کرے، مسئلہ اب آگے بڑھ چکا ہے، مسئلہ اب قومی سلامتی کاہے، اصل مسئلہ یہ ہے کہ سہیل آفریدی اور ان کے ساتھی دہشتگردوں سے مل کر پاکستان کو کمزور کررہے ہیں، جس کی وجہ سے پاکستان میں دہشتگردی بڑھ رہی ہے، اس لئے اب فیصلہ کرلیا گیا ہے کہ سہیل آفریدی کی حکومت کو جانا ہوگا۔
اسی طرح وفاقی وزیر عطا تارڑ نے بھی اس قسم کے خیالات کا اظہار کیا۔ پی ٹی آئی پر دہشتگردوں کی سہولتکار کا الزام بھی لگایا ۔