واٹس ایپ کے نئے ریسٹریکٹڈ چیٹ فیچر کو استعمال کرنے کا طریقہ جانیں
واشنگٹن (قدرت روزنامہ)واٹس ایپ میں صارفین کے لیے ایک نیا سکیورٹی فیچر ریسٹریکٹڈ چیٹ متعارف کرایا گیا ہے۔
یہ اس میسجنگ پلیٹ فارم کی ایڈوانس چیٹ پرائیویسی کا نیا ٹول ہے۔
یہ درحقیقت ایسا سوئچ ہے جسے آن کرنے پر آپ کے اکاؤنٹ سے لنک ڈیوائسز پر مخصوص چیٹس کو دیکھنا ممکن نہیں ہوگا۔
ایک رپورٹ کے مطابق یہ فیچر اینڈرائیڈ ڈیوائسز کے لیے واٹس ایپ کے نئے بیٹا (beta) ورژن میں متعارف کرایا گیا ہے۔
یہ ایک آپشنل سکیورٹی فیچر ہے جسے صارفین کو خود ان ایبل کرنا ہوگا کیونکہ بائی ڈیفالٹ یہ ڈس ایبل ہوتا ہے۔
اس فیچر کو کیسے استعمال کریں؟
درحقیقت ہر چیٹ ونڈو میں الگ سے اس فیچر کو ان ایبل کرنے کی ضرورت ہوگی۔
اس کے لیے مطلوبہ چیٹ کو اوپن کرکے اوپر نام پر کلک کرکے چیٹ انفو اسکرین اوپن کریں۔
وہاں نیچے اسکرول کرنے پر آپ کو ریسٹریکٹڈ چیٹ کا آپشن نظر آئے گا جس پر کلک کرکے ان ایبل کر دیں۔
ابھی یہ فیچر انفرادی صارفین کی چیٹ پر کام کرتا ہے گروپ چیٹس کے لیے دستیاب نہیں۔
جب کسی چیٹ کو ریسٹریکٹ کریں گے تو اس کا اطلاق چیٹ میں موجود دونوں افراد پر ہوگا۔
یعنی واٹس ایپ کی جانب سے اس چیٹ کی میڈیا فائلز کو گیلری میں محفوظ نہیں کیا جائے گا، دونوں میں سے کوئی بھی فرد چیٹ کو ایکسپورٹ نہیں کرسکے گا۔
اسی طرح چیٹ میں میٹا اے آئی کے فیچرز ڈس ایبل ہو جائیں گے جبکہ اس چیٹ تک پرائمری ڈیوائس سے ہٹ کر کسی کنکٹڈ ڈیوائس میں رسائی ممکن نہیں ہوگی۔
پرانے ایڈوانسڈ چیٹ پرائیویسی کے اندر موجود چیٹس بدستور لنکڈ ڈیوائسز پر دستیاب ہوں گی۔
جیسا اوپر درج کیا جاچکا ہے کہ ابھی یہ فیچر بیٹا ورژن میں متعارف کرایا گیا ہے تو یہ کب تک تمام صارفین کو دستیاب ہوگا، یہ کہنا ابھی مشکل ہے۔
