پی پی 38 سیالکوٹ، ضمنی انتخاب: پی ٹی آئی نے میدان مار لیا

سیالکوٹ(قدرت روزنامہ) پی پی 38 سیالکوٹ ضمنی انتخابات میں تمام 165 پولنگ اسٹیشنوں کا غیرحتمی و غیرسرکاری نتیجہ آگیا ہے۔

ہم نیوز کے مطابق غیر سرکاری و غیر حتمی نتیجے کے تحت پاکستان تحریک انصاف کے امیدوار احسن سلیم بریار نے 59 ہزار 799 ووٹ حاصل کرکے کامیابی اپنے نام کرلی ہے۔

غیر سرکاری و غیر حتمی نتیجے کے تحت پاکستان مسلم لیگ (ن) کے امیدوار طارق سبحانی 52 ہزار799 ووٹ حاصل کر کے دوسرے نمبر پر رہے ہیں۔ یہ نشست ن لیگ کے خوش اختر سبحانی کے انتقال کے باعث خالی ہوئی تھی۔

حلقے میں ووٹرز کی تعداد 2 لاکھ 33 ہزار 4 سو 22 تھی۔ 165 پولنگ اسٹیشنز میں سے 30 پولنگ اسٹیشنز کو حساس ترین قرار دیا گیا تھا۔