قندھار میں شہری طالبان کے رویے سے خوش بڑی امیدیں باندھ لیں
افغان شہریوں کا کہنا تھا کہ طالبان کا ان سے اچھا رویہ ہے امید ہے آئندہ بھی طالبان کا یہی رویہ رہے گا . سابق افغان وزیر داخلہ علی احمد جلالی کا کہنا تھا کہ امریکا نے افغان حکومت کے بجائے طالبان کے ساتھ مذاکرات کیے، امریکا ہمیشہ سے افغان حکومت کو ناقابل اعتبار حلیف سمجھتا آیا . عرب ٹی وی کو انٹرویو دیتے ہوئے علی احمد جلالی نے کہا کہ سابق افغان صدر اشرف غنی کے ملک چھوڑنے کی اصل وجوہات کا تاحال پتہ نہیں ہے، سیاستدانوں پر عدم اعتماد کی وجہ سے افغان فوج نے طالبان کے خلاف مزاحمت نہیں کی . علی احمد جلالی نے کہا کہ افغان فوج میں بڑے پیمانے میں بدعنوانی نے طالبان کے لیے فتح کی راہ ہموار کی، طالبان کی تیزی سے کامیابیاں حیران کن اور غیر متوقع تھی . سابق افغان وزیر داخلہ نے کہا کہ موجودہ صورتحال میں مزاحمتی مسلح گروپ کا سامنے آنا طالبان کا کچھ نہیں بگاڑ سکتا . علاوہ ازیں برطانوی وزیراعظم بورس جانسن نے کہا ہے کہ افغان شہریوں نے ہمارے شانہ بشانہ کام کیا، ہم ان کے ساتھ کھڑے ہیں . میڈیارپورٹس کے مطابق لندن میں افغانستان سے برطانیہ آکر آباد ہونے والوں سے وزیراعظم بورس جانسن نے ملاقات کی . اس موقع پر ان کا کہنا تھا کہ 2272 افغانیوں کو جون سے اب تک برطانیہ لا کر بسایا گیا ہے . برطانوی وزیراعظم کا کہنا تھا کہ افغان شہریوں کی حفاظت کو یقینی بنائیں گے . انہوں نے بتایا کہ آئندہ چند روز میں مزید افغانوں کو برطانیہ لایا جائے گا . . .
