سونیا حسین اور شہزاد شیخ ایک ساتھ جلوہ گر ہونے کیلئے تیار؟
اسلام آباد (قدرت روزنامہ)پاکستان کی معروف اداکارہسونیا حسین اور اداکار شہزاد شیخ آنے والے نئے پروجیکٹ میں ایک ساتھ جلوہ گر ہونے کے لیے تیار ہیں . سونیا حسین اور شہزاد شیخ نئے پروجیکٹ میں ایک دوسرے کے مدمقابل نظر آئے گے .
دونوں اداکاروں کے اس نئے پروجیکٹ کا مداحوں کو بے صبری سے انتظار ہے .
View this post on Instagram
اس سے قبل اداکارہ سونیا حسین کا کہنا تھا کہ معاوضہ وقت پر نہ ملنے کی وجہ سے میں فلم ٹچ بٹن میں اپنے کردار سے مطمئن نہیں ہوں .
پاکستان کی نئی آنے والی فلم ٹچ بٹن کے حوالے سے سونیا حسین کا کہنا تھا انہوں نے کئی مرتبہ فلم کے پروڈیوسرز کو ان کے معاوضہ دینے کے حوالے سے کہا لیکن ان کو اور انکی ٹیم کو مطالبے کو نظر انداز کیا گیا . انہوں نے کہا کہ یہ پاکستان میں بہت زیادہ ٹرینڈ ہے کہ فن کاروں کو معاوضہ وقت پر نہیں دیا جاتا، کسی کو یہ قدم اٹھانا تھا میں نے یہ قدم اٹھایا اور قانونی نوٹس عروہ حسین کو بھیجا .
اداکارہ نے کہا کہ عروہ حسین کو نوٹس اس لیے بھیجا کیوں کہ فلم کو سائن کرنے کا معاہدہ میرے اور عروہ کے درمیان ہوا تھا . سونیا حسین نے کہا کہ فلم کی شوٹنگ میں ہر ایک نے خوب محنت کی ہے، شوٹ کے دوران فرحان زخمی بھی ہوئے اور ایک گانے کے شوٹ کے دوران میرے پاؤں میں کیل چب گئی تھی جس کی وجہ سے خون بھی بہت نکلا .
اداکارہ نے کہا کہ فلم میں اتنی محنت کرنے کے باوجود بھی میں اپنے کردار سے مطمئن نہیں ہوں اور یہی وجہ ہے کہ میں فلم کی پروموشن کا حصہ بھی نہیں بنوں گی .
