‘امریکا کی افغانستان میں 20 سالہ مہم کا صرف سانحات کے ساتھ اختتام’
31 اگست کو امریکی انخلا سے قبل روس، افغانستان میں امریکی پالیسی کو باقاعدگی سے تنقید کا نشانہ بناتا رہا ہے . پیوٹن نے بدھ کے روز اپنے بیان میں کہا کہ امریکی فوج نے دو دہائیوں تک جنگ زدہ افغانستان میں اپنی اقدار رائج کرنے کی کوشش کی لیکن اس کا نتیجہ صرف سانحات کی صورت میں برآمد ہوا، اس کا نقصان صرف امریکا اور افغان سرزمین پر رہنے والوں کو ہوا . نئے تعلیمی سال کے آغاز کے موقع پر روس کے دور دراز مشرقی شہر ولادی ووستوک میں نوعمر طلبا سے خطاب کرتے ہوئے انہوں نے کہا کہ باہر سے کوئی چیز مسلط کرنا ناممکن ہے . اس سے قبل گزشتہ ہفتے پیوٹن نے کہا تھا کہ روس افغانستان میں مداخلت نہیں کرے گا اور اس نے ملک پر سوویت قبضے سے بہت کچھ سیکھا ہے . انہوں نے مغربی ممالک پر الزام عائد کیا کہ وہ افغان مہاجرین کو ماسکو سے منسلک وسطی ایشیائی ریاستوں میں رکھنے کی کوشش کر رہے ہیں . روس نئی کابل انتظامیہ کے بارے میں محتاط لیکن پرامید ہے اور ان کا کہنا تھا کہ وہ افغانستان کے معاملات میں مداخلت نہیں کریں گے . . .
