مدت بھی پوری کریں گے اور آئندہ الیکشن بھی جیتیں گے
یہ راہزنوں کے ٹولے پر مشتمل غیر فطری اتحاد ہے . عثمان بزدار نے مزید کہا ہے کہ وزیراعظم عمران خان کی شفاف سیاست کے سامنے یہ غیر فطری اتحاد کوئی حیثیت نہیں رکھتا . مفاد پرستوں کے اس ٹولے نے عوام کو گمراہ کرنے کی کوشش کی لیکن اللہ کے فضل وکرم اور عوام کی حمایت سے پی ڈی ایم کی ہر سازش ناکام ہوئی . وزیراعلیٰ پنجاب نے مزید کہا کہ قوم کے ٹھکرائے ہوئے عناصر کو انتشار کی سیاست چھوڑ کر مثبت رویہ اختیار کرنا چاہیے . پی ڈی ایم کی ساری جماعتیں زبانی جمع خرچ پر لگی ہوئی ہیں . عثمان بزدار نے کہا کہ وزیراعظم عمران خان کی قیادت میں حکومت پہلے سے زیادہ مضبوط ہے . ہم مدت بھی پوری کریں گے اوران شاء اللہ آئندہ الیکشن میں بھی تحریک انصاف کامیاب ہوگی . یاد رہے کہ پی ڈی ایم نے حکومت سے عوام کو نجات دلانے کا عہد کر رکھا ہے جبکہ پیپلز پارٹی بھی ن لیگ کو آفر دے چکی ہے ہ دونوں مل کر حکومت گراد دیں . جبکہ دوسری طرف جمعیت علماء اسلام پاکستان کے سینئر رہنما حافظ حسین احمد نے کہا ہے کہ پاکستان ڈیمو کریٹک موومنٹ (پی ڈی ایم) نہ استعفے دے گی نہ لانگ مارچ ہوگا، شہباز شریف کا مزاحمت اور مفاہمت سے انکار درحقیقت نواز شریف کے بیانیہ سے انکار ہے، قومی حکومت کے قیام کی باتیں مفاہمتی پالیسی کا حصہ ہے شہباز شریف اپنے مفاہمتی ایجنڈا پر عمل پیرا ہیں . حافظ حسین احمد کا کہنا تھا کہ اپوزیشن جماعتیں نہ استعفے دیں گی، نہ تحریک عدم اعتماد لائیں گی اور نہ ہی لانگ مارچ ہوگا، کراچی کا جلسہ تحریک انصاف کی حکومت کے نہیں بلکہ پیپلز پارٹی کی سندھ حکومت کے خلاف تھا، مولانا فضل الرحمان نے بڑی ہوشیاری کے ساتھ استعفوں کا معاملہ لاکر پیپلز پارٹی کو پی ڈی ایم سے الگ کیا، جن استعفوں کا جواز پیدا کرکے پیپلز پارٹی کو الگ کیا گیا وہ استعفے اب کہاں ہیں؟ . .
