پاکستان کا 2025 تک پانی کی قلت کا شکار ہونے کا خدشہ ہے، شیری رحمٰن
اسلام آباد (قدرت روزنامہ)وفاقی وزیر ماحولیاتی تبدیلی شیری رحمٰن نے کہا ہے کہ ہمارے گلیشیئرز بہت تیزی سے پگھل رہے ہیں، پاکستان کا 2025 تک پانی کی قلت کا شکار ہونے کا خدشہ ہے۔
شیری رحمٰن سے سوئس وزیر خارجہ نے ملاقات کی، پاکستان میں سوئٹزرلینڈ کے سفیر جارج اسٹینر بھی ملاقات میں موجود تھے۔اس موقع پر ماحولیاتی تبدیلی کے اثرات سے نمٹنے کے لیے تعاون کی مفاہمتی یادداشت پر دستخط کیے گئے۔
An important MOU was signed today in Nathiagali between Pakistan 🇵🇰 and Switzerland 🇨🇭 on disaster risk management @ndmapk presided over by the PM @CMShehbaz. Thank you to @ignaziocassis Foreign Minster of Switzerland for taking so much interest in @ClimateChangePK and our… pic.twitter.com/5vp0SGZius
— SenatorSherryRehman (@sherryrehman) July 8, 2023
ملاقات میں ماحولیاتی تبدیلی کی تباہ کاریوں اور بحالی کے اقدامات میں تعاون پر بھی گفتگو ہوئی۔شیری رحمٰن کا کہنا ہے کہ اقوام متحدہ کے سیکریٹری جنرل کے مطابق 7 جولائی تاریخ کا گرم ترین دن تھا، ہمارے گلیشیئر پگھلنے میں 300 فیصد اضافہ ہوا ہے۔
انہوں نے کہا کہ لاہور میں شدید مون سون بارشوں کا مشاہدہ کر رہے ہیں، گزشتہ سال سیلاب سے 33 ملین افراد متاثر ہوئے۔وفاقی وزیر کا کہنا ہے کہ ماحولیاتی تبدیلی کے اثرات کم کرنے کے لیے کئی منصوبے شروع کیے ہیں۔
