سوئس کمپنی بھی پاکستان میں10 کروڑ ڈالر کی سرمایہ کاری کیلئے تیار، معاہدہ طے پا گیا
اسلام آباد(قدرت روزنامہ)سوئس آئل مارکیٹنگ کمپنی ٹریفوگیورا کا بھی پاکستان میں 10کروڑ ڈالر کی سرمایہ کاری کا معاہدہ طے پا گیا،یادرہے کہ سعودی کمپنی آرامکو کا بھی پاکستان میں سرمایہ کاری کیلئے معاہدہ طے پاچکا ہے .
تفصیلات کے مطابق آئل مارکیٹنگ اور توانائی شعبے میں بڑی عالمی توانائی کمپنی نے پاکستان میں سرمایہ کاری کا معاہدہ کرلیا .
سوئس آئل مارکیٹنگ کمپنی ٹریفوگیورا کا پاکستان میں 10کروڑ ڈالر سرمایہ کاری کا معاہدہ طے پایا، جس کے تحت پاکستان کو پیٹرولیم مصنوعات طویل مدتی معاہدے کے تحت سپلائی ہوں گی،سوئس ٹریفیگیورا کمپنی کی ذیلی کمپنی پیوما ایڈمور کے 550پیٹرول پمپس پر سرمایہ کاری کرے گی اور سوئس کمپنی پاکستان میں نجی گروپ کیساتھ مشترکہ ایل پی جی کاروبار بھی بڑھائے گی .
. .