اسلام آباد میں بلدیاتی انتخابات پھر کھٹائی میں پڑگئے، التوا کا نوٹیفکیشن جاری
اس حوالے سے الیکشن کمیشن نے نوٹیفکیشن بھی جاری کردیا . قبل ازیں الیکشن کمیشن نے 29 ستمبر اور پھر 9 اکتوبر کو دارالحکومت میں بلدیاتی انتخابات کے انعقاد کا اعلان کیا تھا . الیکشن کمیشن کے اعلامیے کے مطابق بلدیاتی ایکٹ میں ترمیم کے بعد شیڈول نوٹیفکیشن تاحکم ثانی معطل کردیا گیا ہے . واضح رہے کہ پہلے اسلام آباد میں بلدیاتی انتخابات 29 ستمبر کو کرانے کا اعلان کرتے ہوئے کہا گیا تھا کہ اسلام آباد کے بلدیاتی انتخابات 3 مختلف مراحل میں ہوں گے، پہلے مرحلے میں 125 یونین کونسلز کی 1625 نشستوں پر براہ راست الیکشن ہوگا . بعد ازاں الیکشن کمیشن کے جاری اعلامیہ میں کہا گیا کہ الیکشن کمیشن نے مختلف سیاسی پارٹیوں کی درخواستوں اور متوقع امیدواروں کی انتخابی عمل میں شمولیت اور انہیں اس سلسلے میں ہرممکن سہولت فراہم کرنے کے لیے اسلام آباد میں بلدیاتی انتخابات کے لیے کاغذا ت نامزدگی جمع کرانے کی تاریخ بڑھادی ہے اور اب پولنگ 9 اکتوبر کو ہوگی . الیکشن کمیشن کے اعلان کے مطابق اسلام آباد کی ہر یونین کونسل میں 13 نشستوں پر الیکشن ہوگا، چیئرمین اور وائس چیئرمین، 6 جنرل نشستوں پر انتخابات ہوں گے، 2خواتین، مزدور، کسان، نوجوان اور غیرمسلم کی ایک ایک سیٹ پر الیکشن ہوگا، اسلام آباد کی 125 یونین کونسلز میں بلدیاتی الیکشن جماعتی بنیاد پر ہوگا . . .
