تحریک انصاف نے عمران خان سے ملاقات کے لیے درخواست وزارت داخلہ میں جمع کرادی
ادھر پی ٹی آئی رہنماؤں نے زور دے کر کہا ہے کہ وہ 15 اکتوبر کو اسلام آباد کے ڈی چوک پر احتجاج کی کال تبھی مؤخر کرنے کے لیے تیار ہیں بشرطیکہ انہیں اڈیالہ جیل میں عمران خان سے ملنے کی اجازت دی جائے . پاکستان تحریک انصاف (پی ٹی آئی) کے رہنما شیخ وقاص اکرم کا کہنا ہے کہ اگر حکومت انہیں اور پارٹی کے دیگر رہنماؤں کو عمران خان سے ملاقات کی اجازت دے تو پارٹی احتجاج کی کال واپس لینے کے لیے تیار ہے . پی ٹی آئی رہنما نے حکومت سے یہ بھی کہا کہ اگر احتجاج کے دوران کوئی جانی یا مالی نقصان ہوتا ہے تو وہ ذمہ دار ہوگی . ڈی چوک میں احتجاج کے حوالے سے پاکستان تحریک انصاف میں اختلافات کی خبریں سامنے آئی ہیں، پی ٹی آئی کے بعض رہنما 15 اکتوبر کے احتجاج کی مخالفت کر رہے ہیں اور پارٹی کو مشورہ دے رہے ہیں کہ وہ شنگھائی تعاون تنظیم کے سربراہی اجلاس کے دوران احتجاج کو مؤخر کر دے . . .
