مذہبی جماعت کا مارچ روکنے کے لئے جہلم کے پلوں پر دیواروں کی تعمیر شروع
اسلام آباد (قدرت روزنامہ)انتظامیہ نے مذہبی جماعت کا مارچ روکنے کے لئےمختلف مقامات پر حفاظتی باڑ توڑ کر رکاوٹوں کے لئے وقفے وقفے سے بند کی شکل میں دیواریں تعمیر کردی گئیں ۔ تفصیلات کے مطابق حکومت نے مذہبی جماعت کا مارچ روکنے کےلئے جی ٹی روڈ پر چناب و جہلم کے مقامات پر رابطہ پلوں پر کنٹینرز کے بعد دیواریں کھڑی کرنا شروع کردیں۔ پلوں پر مختلف مقامات پر حفاظتی باڑ توڑ کر رکاوٹوں کے لئےوقفے وقفے سے بند کی شکل میں دیواریں تعمیر کی جارہی ہیں۔
مارچ کے شرکاء کے پاس جدید تین سے چار ہیوی کرینیں اور ایکسیکویٹرز سمیت مختلف مشینیں بھی ہیں۔ آر پی او راولپنڈی عمران احمر بھاری پولیس نفری کے ہمراہ جہلم میں خود موجود رہ کر صورتحال کی مانیٹرنگ کررہے ہیں۔ رینجرز بھی چناب اور جہلم کے مقامات پر موجود ہے۔ نیشنل ہائی وے ، جی ٹی روڈ ، چناب ٹول پلازہ سے چکوال موڑ بھائی خان سوہاوہ تک چھ مقامات سے ٹریفک کے لیے بند ہے۔اوجلا کینال وزیر آباد ،چناب ٹول پلازہ گجرات، کینال بریج اور جہلم ٹول پلازہ ، جہلم کینٹ، پاکستان ٹوبیکو کمپنی کے مقامات، چکوال موڑ، بھائی خان پل سوہاوہ کے مقامات ٹریفک کے لئے بند ہیں۔