کو ئٹہ میں غیر اعلا نیہ لوڈشیڈنگ سے عوام مشکلا ت کا شکا ر،کاروبار زندگی مفلوج
کوئٹہ(قدرت روزنامہ)صوبائی دارالحکومت کوئٹہ میں بجلی کی غیر اعلانیہ لوڈ شیڈنگ اور وولٹیج میں کمی بیشی نے شہریوں کو مشکلات میںمبتلا کردیا .گزشتہ روز ہونے والی بارش کے بعد کوئٹہ کے مختلف علاقوں جناح ٹائون، کلی اسماعیل، سریاب کلی کمالو، گاہی خان چوک، پشتون آباد، سیٹلائٹ ٹائون ، رئیسانی روڈ،سمیت دیگر میںبجلی کی غیر اعلانیہ لوڈ شیڈنگ اور کم وولٹیج کی وجہ سے گزشتہ روز کئی گھنٹوں بجلی بند ہونے سے شہری ذہنی کوفت میں مبتلا ہےکئی گھنٹوں تک بجلی کی بندش سے علاقہ مکینوں کو پانی کی فراہمی بھی معطل ہونے سے لوگوں کی مشکلات بڑھ گئی شدید سردی کے موسم میں حالیہ بارش کے دوران اور اب تک کوئٹہ کے گنجان آباد نواحی اور کلیوں میں بجلی کی طویل لوڈ شیڈنگ جاری ہے جس کی وجہ سے لوگوں کا کاروبار بری طرح متاثر ہوکر رہ گیا ہے عوامی حلقوں نے حکومت سے اپیل کی ہے کہ موجودہ حکومت اس صورتحال کا نوٹس لیتے ہوئے عوام کو بلا تعطل بجلی کی فراہمی یقینی بناکر وولٹیج کی کمی بیشی کو دور کریں تاکہ لوگ اپنے کاروبار کو جاری رکھ سکیں بجلی کی بندش روز کا معمول بن چکی ہے جس کی وجہ سے شہری ذہنی مریض بن چکے ہیں حکومت اور کیسکو حکام اس کے تدارک کے لئے کوئی اقدام نہیں اٹھارہی آئے روز مینٹیننس کی فراہمی کے باعث بجلی بند کردی جاتی ہے اس سلسلے کو ختم کیا جائے۔
