میٹ گالا 2026: کروڑوں ڈالر مالیت کے زیورات اور گھڑیوں نے سب کی توجہ حاصل کرلی

اسلام آباد (قدرت روزنامہ)نیویارک میں منعقد ہونے والے میٹ گالا 2026 میں اس سال فیشن کے ساتھ ساتھ انتہائی قیمتی زیورات اور ایکسیسریز بھی توجہ کا مرکز بنے رہے۔ ‘Fashion Is Art’ کے تھیم کے تحت ہونے والے اس ایونٹ میں عالمی ستاروں نے ایسے نایاب اور مہنگے زیورات پہن کر ریڈ کارپٹ پر رونق لگا دی جن کی مجموعی مالیت کروڑوں ڈالر تک پہنچتی ہے۔
مشہور ریپر جے-زی نے Patek Philippe کی Grandmaster Chime Ref 6300G گھڑی پہن کر سب کی توجہ حاصل کی۔ سفید سونے سے تیار اس گھڑی میں 20 مختلف فیچرز شامل ہیں۔ رپورٹ کے مطابق اس کی موجودہ مالیت تقریباً 6 ملین ڈالر ہے جو اسے ایونٹ کی سب سے مہنگی گھڑیوں میں شامل کرتی ہے۔

بھارتی نژاد کاروباری شخصیت سدھا ریڈی نے اپنے ذاتی کلیکشن سے 15 ملین ڈالر مالیت کا ہار پہن کر سب کو حیران کر دیا۔ اس ہار کا مرکزی حصہ 550 قیراط کا نایاب وائلٹ بلیو تنزانائٹ پتھر ‘Queen of Merelani’ ہے جس کے گرد ہیرے جڑے ہوئے ہیں۔
انہوں نے اس کے ساتھ Manish Malhotra کا خصوصی طور پر تیار کردہ گاؤن پہنا، جسے بنانے میں 3,400 گھنٹے اور 90 سے زائد کاریگروں کی محنت شامل رہی۔ ان کا یہ انداز جنوبی بھارتی ثقافت اور جدید فیشن کا امتزاج قرار دیا جا رہا ہے۔

اداکار ڈوین جانسن نے 3.3 ملین ڈالر مالیت کی Jacob & Co. Billionaire III گھڑی پہنی جس میں 700 سے زائد ہیرے جڑے ہیں۔

گلوکارہ بیونسے نے چوپارڈ کے سینکڑوں کیرٹس پر مشتمل ہیرے اور زمرد زیب تن کیے۔

BLACKPINK کی لِسا نے بلغاری کے ہائی جیولری سیٹ کے ساتھ 50 کیرٹ کا نیلم پتھر پہنا۔

ٹینس اسٹار سیرینا ولیمز نے تقریباً 200,000 ڈالر مالیت کی جدید آڈی مار پیگیٹ گھڑی پہنی۔

اداکار رامی ملک نے نایاب Cartier Crash گھڑی پہن کر ریڈ کارپٹ پر سب کی توجہ حاصل کی۔

میٹ گالا 2026 میں اس سال فیشن سے زیادہ قیمتی زیورات اور لگژری ایکسیسریز گفتگو کا مرکز بنے رہے جہاں ہر شخصیت نے اپنے انداز اور دولت کا منفرد اظہار کیا۔