سپین کو فیفا ورلڈ کپ جیتنے پر مبارکباد، صدر ٹرمپ اور امریکی قوم کا شاندار میزبانی پر شکریہ! وزیراعظم

اسلام آباد(قدرت روزنامہ)وزیراعظم شہباز شریف نے فیفا ورلڈ کپ 2026ء کا تاج اپنے نام کرنے پر سپین کی فٹبال ٹیم کو مبارکباد پیش کی ہے، انہوں نے ٹورنامنٹ کے کامیاب اور تاریخی انعقاد پر امریکی صدر ڈونلڈ ٹرمپ، امریکی عوام اور شراکت دار ممالک میکسیکو اور کینیڈا کی قیادت کو بھی بہترین انتظامات پر خراجِ تحسین پیش کیا۔
وزیراعظم شہباز شریف نے فیفا ورلڈ کپ 2026ء جیتنے پر ہسپانوی فٹبال ٹیم کو مبارکباد دیتے ہوئے کہا کہ میں سپین کو فیفا ورلڈ کپ 2026ء میں اس کی شاندار اور مستحق فتح پر مبارکباد پیش کرتا ہوں، سپین کی قومی ٹیم نے پورے ٹورنامنٹ کے دوران غیر معمولی مہارت، اتحاد، نظم و ضبط اور بہترین ٹیم ورک کا شاندار مظاہرہ کیا۔ ٹورنامنٹ کے انتظامات پر بات کرتے ہوئے وزیراعظم نے کہا کہ میں امریکی صدر ڈونلڈ ٹرمپ اور امریکہ کے عوام کو اس تاریخی ٹورنامنٹ کے بے مثال انتظامات اور کامیاب میزبانی پر دلی مبارکباد پیش کرتا ہوں، میکسیکو اور کینیڈا کی حکومتوں اور عوام کا بھی شکریہ جنہوں نے بہترین شراکت داری کے ساتھ فیفا ورلڈ کپ کی میزبانی اتنے شاندار انداز میں مکمل کی۔

I congratulate Spain on its well-deserved victory in the FIFA World Cup 2026. The Spanish national team displayed exceptional skill, unity, discipline, and teamwork throughout the tournament.

I extend my heartiest felicitations to President Donald Trump and the people of the…

— Shehbaz Sharif (@CMShehbaz) July 20, 2026

شہباز شریف نے فیفا کے صدر جانی انفنٹینو اور ان کی پوری ٹیم کو اس میگا ایونٹ کی شاندار آرگنائزیشن پر سراہتے ہوئے کہا کہ ان کی کوششیں یقیناً فٹبال کی عالمی اہمیت اور حیثیت کو مزید مضبوط بنائیں گی، ایک بار پھر فیفا ورلڈ کپ نے ہمیں یاد دلایا ہے کہ کھیل ایک عالمگیر اور عالمی زبان ہے، ایک ایسی زبان جو سرحدوں سے بالاتر ہے اور پوری انسانیت کو متاثر کرتی ہے، میری دعا ہے دوستی اور اتحاد کا یہی جذبہ فائنل کی آخری سیٹی کے بعد بھی طویل عرصے تک ہماری رہنمائی کرتا رہے۔