مجھے خیبرپختونخواہ میں گورنر راج نہیں بلکہ صاف نظر آرہا ہے کہ ایمرجنسی لگے گی، پرویزخٹک

اسلام آباد(قدرت روزنامہ)سابق وزیر اعلیٰ پرویز خٹک کا کہنا ہے کہ مجھے خیبرپختونخواہ میں گورنر راج نہیں بلکہ صاف نظر آرہا ہے کہ ایمرجنسی لگے گی، اگر آفر آئی تو میں سوچوں گا کہ کیا کردار ادا سکتا ہوں۔ انہوں نے نجی ٹی وی کے پروگرام میں گفتگو کرتے ہوئے کہا کہ میں اپنے بارے کچھ نہیں کہہ سکتا، کیونکہ مجھے ایسی کوئی آفر نہیں آئی، گورنر راج کا کوئی فائدہ نہیں، کیونکہ گورنر راج 3 ماہ زیادہ سے زیادہ 6ماہ بعد ختم ہوجائے گا۔
لیکن ایمرجنسی کا وقت مقرر نہیں ہوتا وہ زیادہ دیر چل سکتی ہے۔ مجھے لگتا بھی نہیں کہ گورنر راج لگے گا، مجھے صاف نظر آرہا ہے کہ ایمرجنسی لگے گی۔ مجھے ابھی آفر نہیں آئی ، حالات پر منحصر ہے ، اگر مجھے آفر آتی ہے تو دیکھوں گا۔

مجھے نہیں لگتا کہ گورنر راج لگے گا مجھے ایمرجنسی لگتی ہوئی نظر آ رہی ہے، مجھے ایمرجنسی کی صورت میں کردار ادا کرنے کی کوئی آفر نہیں آئی اگر آئی تو سوچوں گا۔ وزیراعظم کے مشیر برائے داخلہ پرویز خٹک
@kirannaz_KN #KPK #PTI #PervezKhattak https://t.co/u7qMrzgSa4

— Ali Hassan (@AliJrnlst) October 10, 2026

اگر آفر آئی تو بندہ سوچتا ہے کہ میں کیا کردار ادا سکتا ہوں۔اگر میں حالات کو تبدیل نہیں کرسکتا یا گڈگورننس نہیں لا سکتا، صوبے کیلئے بہتری نہیں کرسکتا تو پھر میرا کیا کام ہے؟ دوسری جانب ٹی وی اینکر کامران شاہد کی خبر کے مطابق ایوانِ صدر میں اعلیٰ سطحی اجلاس میں خیبرپختونخوا میں ایمرجنسی نافذ کرنے کا حتمی فیصلہ کرلیا گیا ہے۔
ایکس پر کامران شاہد نے ٹویٹ میں کہا کہ معتبر ذرائع کے مطابق آج ایوانِ صدر میں ہونے والے اہم اجلاس میں اس بات پر تمام فریقین کا اتفاق ہو گیا ہے کہ خیبر پختونخوا (کے پی) میں ایمرجنسی نافذ کی جائے۔ اس مقصد کے لیے قومی اسمبلی اور سینیٹ کے اجلاس 13 اکتوبر کو طلب کر لیے گئے ہیں، ایمرجنسی نافذ کرنے کی بنیاد گورنر کی جانب سے امن و امان کی صورتِ حال سے متعلق پیش کی گئی رپورٹ ہے۔
کیا مولانا اس فیصلے کو واپس کروانے کے لیے کوئی اہم پیش رفت کر سکیں گے؟ اس فیصلے کو واپس کروانے کے امکانات ایک فیصد سے بھی کم ہیں۔

چیئرمین پی ٹی آئی بیرسٹر گوہر خان کی وزیراعلیٰ سہیل آفریدی سے پشاور میں ملاقات کے بعد میڈیا سے گفتگو
وفاقی مداخلت نے صوبائی حکومت کی رٹ کمزور کر دی – حقیقت یہ ہے کہ خیبرپختونخوا میں اس وقت عملاً گورنر راج ہے، صرف اعلان باقی ہے۔
دہشت گردی کا حل گورنر راج یا ایمرجنسی نہیں، اس سے بحران مزید بڑھے گا- ایمرجنسی صوبے اور وفاق دونوں کے لیے نقصان دہ ہوگی- دہشت گردی کے خاتمے پر اتفاق، اختلاف صرف طریقۂ کار پر ہے-
عمران خان سے ایک سال سے بند ملاقاتیں فوری ختم کریں اس سے بہتری آئیگی ۔
ہمارے 3 وزرا سمیت 9 ایم پی ایز اور 8 ایم این ایز کو اٹھایا گیا ہے۔ خان صاحب کی بہنیں اور کزن جیل میں ہیں – یہ تشویشناک ہے-
ملکی قیادت ہٹ دھرمی چھوڑے، سیاسی بصیرت دکھائے

— Barrister Gohar Khan (@BarristerGohar) October 10, 2026

دوسری جانب چیئرمین پی ٹی آئی بیرسٹر گوہر خان کا کہنا ہے کہ دہشتگردی کا حل گورنرراج یا ایمرجنسی نہیں، اس سے بحران مزید بڑھے گا، ایمرجنسی صوبے اور وفاق دونوں کیلئے نقصان دہ ہوگی، دہشتگردی کے خاتمے پر اتفاق لیکن اختلاف طریقہ کار پر ہے، عمران خان سے بند ملاقاتیں فوری بحال کریں اس سے بہتری آئے گی۔ تفصیلات کے مطابق چیئرمین پی ٹی آئی بیرسٹر گوہر خان نے وزیراعلیٰ سہیل آفریدی سے پشاور میں ملاقات کے بعد میڈیا سے گفتگو کرتے ہوئے کہا کہ وفاقی مداخلت نے صوبائی حکومت کی رٹ کمزور کر دی۔